АДМИН
2026 оны 09 дүгээр сарын 11-нээс 09 дүгээр сарын 21-нийг хүртэлх 10 хоногийн цаг агаарын урьдчилсан төлөвийг танилцуулж байна.
12-ноос 13-нд шилжих шөнө газар тариалангийн бүс нутгуудаар хөрсөн дээр цочир хүйтэрч болзошгүйг анхааруулж байна.
Хур тунадас: 11, 12-нд Төв аймгуудын нутгийн зүүн хойд хэсэг, зүүн аймгуудын нутгийн хойд хэсгээр, 13-нд зүүн аймгуудын нутгийн зүүн хэсгээр, 14-нд баруун аймгуудын нутгийн баруун хэсгээр, 15-нд баруун аймгуудын нутгийн баруун хойд хэсгээр, 16-нд баруун аймгуудын нутгийн зарим газар, төвийн аймгуудын нутгийн баруун хэсгээр, 17, 20-нд төв болон зүүн аймгуудын нутгийн хойд хэсгээр, 18-нд баруун аймгуудын нутгийн хойд хэсэг, зүүн аймгуудын нутгийн зарим газраар, 19-нд нутгийн хойд хэсгээр бороо орно.
Салхи:Ихэнх нутгаар баруун хойноос секундэд 4-9 метр, 12-нд зүүн аймгуудын нутгаар салхи секундэд 12-14 метр хүрч ширүүснэ.
Агаарын температур: 11, 12-нд нутгийн зүүн хэсгээр бага зэрэг сэрүүн байна. 14-нөөс ихэнх нутгаар дулаарч шөнөдөө Дархадын хотгор, Завхан, Заг, Байдраг голын эхээр -1...-6 градус хүйтэн, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр -1...+4 градус, Их нууруудын хотгор, говийн бүс нутгийн өмнөд хэсгээр +12...+17 градус, бусад нутгаар +5...+10 градус дулаан, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор +17...+22 градус, Их нууруудын хотгор, говийн бүс нутгийн өмнөд хэсгээр +28...+33 градус, бусад нутгаар +22…+27 градус дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 17-нд өдөртөө бага зэрийн бороо орно. Бусад хугацаанд бороо орохгүй.
Салхи: Ихэнх хугацаанд секундэд 3-8 метр, 17-19-нд секундэд 12-14 метр хүрч ширүүснэ.
Агаарын температур: 12, 20-нд бага зэрэг сэрүүсэж шөнөдөө 0...+5 градус, Яармаг, Сонгиноны орчмоор 0...-5 градус хүйтэн, өдөртөө +10...+15 градус, бусад хугацаанд дулаарч шөнөдөө +4...+9 градус, Яармаг Сонгины орчмоор 0...+5 градус, өдөртөө +20...+25 градус дулаан байна.
|
Эх сурвалж
| ЦУОШГ
|
Нийгэм
