Хүндийг өргөлтийн насанд хүрэгчдийн 85 дахь удаагийн ДАШТ энэ сарын 18-27-д Тайланд улсын Паттая хотноо болно. Уг ДАШТ-д эх орноо төлөөлж Үндэсний шигшээ багийн ерөнхий дасгалжуулагч Ц.Хосбаяр, Ц.Батзаяа нарын удирдлага дор М.Анхцэцэг тэргүүтэй 7 тамирчин Дэлхийн аварга шалгаруулах тэмцээнд оролцохоор өнөөдөр эх орноосоо мордож байна..
ДАШТ-ий өмнөхөн манай залуу тамирчид Япон улсын Ибараки мужийн Намегата хотноо хамтарсан бэлтгэл хийжээ. "Tokyo~2020" олимпийн өмнөх хүндийг өргөгчдийн шигшээ багийн тамирчдын хамтарсан бэлтгэл үр дүнтэй болсон бөгөөд баг тамирчдыг олимпийн зүтгэлтэн Жүгдэрийн Отгонцагаан ахалж явсан байна.
Хүндийн өргөлтийн шигшээ багийн хувьд дундаж нас нь 20 бөгөөд бусад шигшээ багаасаа хамгийн залуу нь юм. Олимпоос олимпийн хоорондох мөчлөгийн тооцож үзвэл 2020, 2024, 2028 оны олимпод өндөр амжилт гаргах бүрэн боломжтой нь үүнээс харагдаж байна. Манай туйванчдаас ДАШТ-ий түүхэнд анхны хүрэл медалийг Мөнхжанцангийн Анхцэцэг хүртсэн бөгөөд тэрээр Риогийн олимпод шагналт байранд орсон юм.
Тайланд улсад Хүндийн өргөлтийн олон тэмцээн зохиогддог ба өнгөрсөн жил Бангкок хотноо Г.Ануужин , Э.Билэгсайхан нар дэлхийн цомын хошой аварга болсон билээ. Энэ жилийн ДАШТ-ий хувьд манай тамирчид бэлтгэл сургуулалтынхаа үр дүнг дүгнэж, ирэх жилийн Токиогийн олимпод олон эрх авахын төлөө авъяас чадвар, хүч чадал бүхнээ зориулан өрсөлдөх болно.
БИД НЭГ БАГ
Зочин
2020-09-28
тэмцээнд.явхад улсаас олгодог төсөвт мөнгөө цаг тухайд нь өгөхгүй байнгын дараа төлбөртэйгээр явдаг энэ заваан зарчмаа болиочээ яам нь байнга мөнгөгүй гэж байдаг яагаад иим баыдаг талаар мэдээллииг сэтгүүлч та нар олоочээ