“Нур-Султан-2019” бөхийн төрлүүдийн ДАШТ-ий чөлөөт бөхийн төрөл өнөөдөр 57, 59, 65, 76 кг-ын жингийн урьдчилсан болон хагас шигшээ барилдаанаар үргэлжилж байна.
Өнөөдөр 59 кг-ын жинд өнгөрсөн жилийн ДАШТ-ий хүрэл медальт, “Хасу-Мегастарс” клубийн тамирчин ОУХМ Б.Шоовдор1/8 шигшээд эхний барилдаанаа Румыний Катерина Жидачевскатай барилдаж, 4:0 харьцаагаар ялсан билээ.
Тэрбээр шөвгийн наймд дөнгөж сая Германы Сандра Парущевскиг 6:2 харьцаагаар ялсанаар хагас шигшээд барилдахаар боллоо.
Хагас шигшээ барилдаан 18:45 минутаас эхэлнэ.
