Бөмбөрцгийн хүн амын 20 хувийнх нь хацар хонхойдог гэнэ. Гэхдээ хацар нь хонхойдог хүний талаар бид тийм ч ихийг мэддэггүй.
Хацрын хонхорхой нь үнэндээ хацрын булчингийн дутуу хөгжил юм байна. Гэтэл жил бүр олон мянган хүн хацраа хонхорхойтой болгохын тулд гоо сайхны мэс засалд ордог аж.
Мөн хацар нь үл ялиг хонхойдог хүмүүс залуу харагддагийг эрдэмтэд нотолжээ. Учир нь нялх болон бага насны хүүхдүүдийн хацар хонхойх нь элбэг байдаг. Тиймээс хацар нь хонхойж байгаа хүнийг залуу гэж боддог байна.
Маш олон оронд хацар хонхойхыг аз авчирна гэж үздэг бас итгэдэг байжээ.
Хэрвээ та анзаарсан бол Холливудын оддын 60 хувийнх нь хацар хонхойдог. Тиймээс ч тэд инээх үедээ үзэсгэлэнтэй харагддаг биз ээ.
Хацар хонхойх нь удамшлынх болохыг эрдэмтэд баталж байна. Аав, ээж болон эмээ, өвөөгөөсөө л хацар хонхойх генийг өвлөдөг гэсэн үг юм.
Мөн сүүлийн үеийн судалгаанаас үзэхэд, хацар нь хонхойдог хүмүүс энгийн хүнээс илүү дур булаам харагддаг аж.
