Байгаль орчин, уур амьсгалын өөрчлөлтийн сайдын 2024 оны А/710 дугаар тушаалаар Монголын говийг Дэлхийн өвд бүртгүүлэхэд бэлтгэх Ажлын хэсэг байгуулагдсан. Тус ажлын хэсгийн хуралдаан өнгөрсөн долоо хоногт боллоо.
Засгийн газраас 2014 онд 12 өвийг Дэлхийн өвийн урьдчилсан жагсаалтад бүртгүүлсэн байдаг. Одоогийн байдлаар байгалийн ангиллаар Увс нуурын сав, Дагуурын ландшафт гэсэн газар нутгийг Монгол Улс Дэлхийн өвд бүртгүүлээд байна.
“Дэлхийн өвийн конвенц”-ийн гол зорилго нь байгаль, соёлын дэлхийд хосгүй үнэ цэнийг бүрэн бүтнээр нь хойч үедээ өвлүүлэн үлдээхэд оршдог.
