12 ордын энэ долоо хоногийн зурхайг танилцуулж байна (2024/11/25 - 2024/12/01).
Хонь: Энэ долоо хоногт хийх ажлаа сайн нарийвчлан судлах хэрэгтэй бөгөөд үүний үр дүнд цаашид хэрхэн ажиллах төлөвлөгөө тодорхой болно. Хамтран ажиллах талаар сайтар бодоорой. Дуртай ажлаа хийж сэтгэлийн таашаал ав. Ойр дотнын хүмүүс, найз нөхдийн санал зөвлөгөөг анхааралтай сонс. Энэ үед тэдний хэлэх үг бүр үнэт зөвлөгөө байх болно. Амьдралд тань итгэлтэй харилцаа ус агаар мэт хэрэгтэй байгааг мэдэрнэ. Ганцаараа шийдвэрлэж болохооргүй зүйлтэй тулгарч магадгүй. Ойр дотнын хүмүүстээ гэнэтийн бэлэг барих нь бүгдийг баярлуулах болно. Амьдралын олон учрал тохиолыг хамтдаа даван туулсан найз нөхдөөрөө бахархаж, баярласан сэтгэлээ илэрхийл. Ойр дотнын хүмүүстээ санхүүгийн тусламж дэмжлэг үзүүлэх болон бусдад буян болох үйл хийнэ. Хайр дурлалаа эрхэмлэн, сэтгэлийг сэвтүүлэх үг үйлдэл гаргахгүй байхыг туйлаас хүснэ. Ийм гэр бүлийг аз жаргалтай харилцаа хүлээж байна. Хайр дурлалын адал явдал нь ганц бие хүмүүст хайсан хүнээ олоход тусалж магадгүй. Долоо хоногийн сүүл рүү ажил хэрэг нарийн төвөгтэй арга барил шаардах магадлалтай. Аливаа алдаа эндэгдэл нь таагүй үр дагавар дагуулах тул санхүүтэй холбоотой үйл ажиллагаанд онцгой анхааралтай хандахыг зөвлөж байна. Гэхдээ байр сууриа илүү нэмэгдүүлэх, ажлын нөхцөлөө сайжруулах боломж гарна. Оногдсон үүрэг даалгавраа хийж шийдвэрлэх ур чадвар өндөр байна. Эрч хүчтэй байх бөгөөд ахуй амьдрал болон ажил хэрэгт хүрсэн амжилт, гаргасан үр дүндээ сэтгэл хангалуун байж чадна. Үйл хөдлөлөө эмх цэгцтэй байлгах юм бол олон хүнийг гайхшируулах болно.
Үхэр: Энэ долоо хоногт тааламжгүй нөхцөл байдлаас болоод хэн нэгэнд өөрийн бодлоо хуваалцах сэтгэлээ онгойлгох хүсэл төрж мэднэ. Гэвч энэ нь тийм ч зөв санаа биш байх бөгөөд танд тайвшрал биш урам хугарал, таагүй сэтгэгдлийг авчрах ч магадлалтай. Хуучин холбоогоо сэргээж болохуйц нөхцөл байдал үүснэ. Энэ харилцаа ч ажил хэрэгт тань тус болно гэдгийг та мэдэрнэ. Хариуцлагатай үүрэг даалгавар биелүүлэх магадлалтай бөгөөд анхаарал болгоомжоо алдаж болохгүй. Бүхий нөхцөл байдал танаас анхаарал болгоомж, хянамгай байдлыг шаардах болно. Үг үйлдлээ зөв байлгаж, тодорхойгүй үйл ажиллагаа, том төсөл хөтөлбөр хэрэгжүүлэх гэж хичээх хэрэггүй. Хайртай хүнээ санаандгүй байдлаар гомдоож болзошгүй. Хэрэв ийм нөхцөл байдалд орвол тэр дор нь уучлал хүсэх хэрэгтэй. Залуу хүмүүс хайр дурлалын харилцаанаас болж ажлаа цалгардуулахгүй байхыг зөвлөж байна. Долоо хоногийн сүүл рүү оюуны хөдөлмөр эрхэлдэг хүмүүсийн хувьд бодит бололцоо нээлттэй байх нь их амжилт руу хөтөлнө. Уран бүтээлч хүмүүсийн чадвар нэмэгдэж хүсэл мөрөөдлөө бодит болгох нь тийм ч хол биш санагдах болно. Хайр дурлалын харилцаа санамсаргүй байдлаар сонирхолтой болно. Өмнө нь бодож төлөвлөсөн зүйлээ гэнэтийн бэлэг болгон бэлдэж хайртай хүнээ баярлуул. Хувийн амьдралд цоо шинэ өөрчлөлт нь баяр баясгалан авч ирэх бөгөөд та гэр бүлийнхнээсээ өндөр үнэлэлт авна.
Ихэр: Энэ долоо хоногт өөрийн үг үйлдэл, итгэл үнэмшилд эргэлзэж байвал зөн совингоо сонс. Өөрийн мэдрэмжийг сайжруулахын тулд янз бүрийн арга хэрэглэх бололтой. Бүгдийг дотроо бясалган, элдэв зүйлийг туршиж үзэж магадгүй. Ойр дотнын хүний зөвлөгөө, дүгнэлтийг мартаж болохгүй. Санаа нийлсэн хүмүүстэй ямар ч зүйлийг хамтарч хийхэд өндөр үр дүнтэй байна. Сэтгэл санааны байдлаас шалтгаалан таны дотоод болон гадаад нөөц боломж илрэн гарах тул өөртөө маш их анхаарал тавьж шинэчлэл, өөрчлөлтийг хий. Өөрчлөлт хийхээр зэхэж байгаа бол хоосон мөрөөдөлд автах хэрэггүй. Санхүүтэй холбоотой үйл ажиллагаа амжилт дагуулна. Холоос зочин хүлээж авч магадгүй. Өөрийн алдаа дутагдалд шүүмжлэлтэй ханд. Хамт олондоо хэт өндөр шаардлага тавихаас татгалз. Эргэн тойронд үүссэн бүхий л үл ойлголцлыг арилгахыг хичээ. Асуудлыг зөв шийдвэрлэх эсэх нь таны шулуун шударга зан, өөрийн санааг тойруулахгүй ярих байдалтай холбоотой байна. Хуучинсаг арга барилаар ажиллах нь эрсдэл багатай байж мэднэ. Ялангуяа өртөг өндөртэй, нарийн төвөгтэй ажил дээр шинэ зүйл турших нь хэтэрхий аз сорьсон хэрэг болно. Мөнгө санхүүгийн хувьд таатай байх ба хөрөнгө оруулалт татах, үл хөдлөх хөрөнгө худалдан авах зэрэгт тохиромжтой байна. Тогтвортой үйл ажиллагаа явуулах гэж байгаа бол аль болох бага зардлаар үр дүнд хүрэхийг хичээ. Шийдэмгий бус байдал илэрнэ. Өөртөө итгэлгүй байдал нь дараа дараагийн ажлыг бүтэлгүйтэх шалтгаан болно. Хайрын харилцаанд санаандгүй учрал тохиож магадгүй. Ганц бие эрчүүд хувийн амьдралдаа илүү анхаарах үе бололтой.
Мэлхий: Долоо хоногийн эхээр биеийн байдал тавгүйтэж сул дорой хандлага зонхилно. Эрүүл мэнддээ сайн анхаарал тавихыг зөвлөж байна. Таагүй мэдээ, урагшгүй үйлдлээсээ болж уур бухимдлаа барьж дийлэхгүйд хүрч болзошгүй. Хамгийн хүнд асуудалтай тулгарахдаа ч авхаалж самбаатай байдлаа алдахгүйг хичээ. Бусдаас дэмжлэг тусламж авах талаар найдах хэрэггүй. Харин долоо хоногийн дунд үед хамтран ажиллах гэрээг байгуулах, төлөвлөгөө батлуулах зэрэг нь амжилттай, ахицтай байж чадна. Энэ үед бүхий л үйл ажиллагаа шударга хариуцлагатай, зохион байгуулалттай байхыг танаас шаардах болно. Нийгмийн сайн сайхны төлөө хийсэн сайн дурын үйл ажиллагаа амжилттай, үр дүнтэй болно. Өөрийн алдааг ухамсарлах чадвар өндөрсөн, энэрэнгүй хүнлэг нэгэн болохыг хүснэ. Энэ үед бусдыг өршөөн уучлах таны хувьд хамгийн чухал зүйл байна. Долоо хоногийн сүүл рүү ямар ч нөхцөл байдалд байсан чухал шийдвэрийг яаран сандран, хөнгөн хуумгай гаргах хэрэггүй. Бүх ажлаа хэвийн горимоор нь явуул. Хувийн асуудлаа ч бусдад чирэгдэл учруулахааргүй зохицуулаарай. Олон нийттэй харилцахдаа буруу үг яриа гаргахаас болгоомжил. Буруу ойлголт түгээх магадлал өндөр байна. Аливаа зүйлийн учрыг олох болон гарц гаргалгаа хайх гэж тархи толгойгоо их ажиллуулах хэрэг гарна. Урьдчилан бэлдсэн зүйлийг хийхээсээ илүүтэй ээдрээтэй нөхцөл байдалд байгаа ажлыг эвлүүлж нийлүүлж, учрыг нь олох гэж барьж авна. Оюун ухаан болон сэтгэн бодох чадвар өндөр байна.
Арслан: Энэ долоо хоногийн эхээр сэтгэл санааны хувирлаа хэтэрхий ил гаргасны хэрэггүй гэж од эрхэс зөвлөж байна. Хэт их ачааллын улмаас сэтгэл санаа хямарч, эрүүл мэнд муудаж магадгүй тул алжаалаа бүрэн тайлах, өөртөө анхаарал халамж тавихыг зөвлөж байна. Үйл ажиллагаагаа сайжруулахыг хүсэж байвал бие сэтгэлээ бэлдээрэй. Долоо хоногийн дундуур шинэ ажил танд таатай үр дүн авчрахгүй байж мэднэ. Гэрээ хэлэлцээр, бичиг цаасны ажилд анхаарлыг бүрэн төвлөрүүлэх юм бол оногдсон үүрэг хариуцлагаа умартахгүй байж чадна. Эргэн тойрны хүмүүсийн хандлага, харилцаанд ямар нэгэн өөрчлөлт гарч болзошгүй. Санхүүгийн байдал тань гаднын хүчин зүйлээс шалтгаалах байдалд орж магадгүй бол долоо хоногийн сүүлээр хар цагаан хэл ам, муу явуулгад өртөж болзошгүй. Таны эрч хүч тийм ч их биш байгаа тул элдэв зүйлд өртөх нь амархан, ажил үйлс тань ахиц муутай байна. Өөртөө төлөвлөөгүй зардал бүү гарга. Таны сэтгэл татах чадвар эргэн тойронд байгаа хүмүүсээ гайхшируулна. Амралтын өдөр ч ихэнх хүмүүс завгүй өдрийг өнгөрүүлнэ.
Охин: Энэ долоо хоногт одоогийн байдлаа илүү сайжруулах боломж гарч ирэх тул ядарч зүдрэхийг мэдэхгүй, их хичээл зүтгэл гарган ажиллах бололтой. Урлаг соёл, шинжлэх ухааны салбарт ажилладаг хүмүүст таатай байх бөгөөд энэ салбарынхан амжилт гаргах магадлал өндөр байна. Эртнээс төлөвлөсөн ажлаа хэрэгжүүлэхэд олон хүний хүч хөдөлмөр шаардагдаж магадгүй. Тэднийг зөв зохион байгуулж чадвал үр дүн нь хурдан ирэх болно. Хамтран ажилладаг байгууллагаар хийлгэсэн ажил тань санаа ихээхэн зовоох ч эцсийн үр дүн нь таатай байх тул тэвчээртэй хүлээ. Ээдрээтэй үйл явдал ч нэлээд их өрнөж магадгүй. Хэн нэгэн амьдралд тань гарч ирэн, элдэв зүйл санал болгож мэднэ. Ойр дотнынхоо хүмүүстэй харилцахдаа дотоод итгэл үнэмшил дээрээ тулгуурласан нийцтэй, нөхөрсөг зантай байх ёстойг анхаар. Ойр дотнын хэн нэгэндээ таны зүгээс анхаарал халамж тавих шаардлага гарч магадгүй. Ойр дотнын найз нөхдийн тусламж зөвлөгөө танд ус агаар шиг хэрэгтэй болж мэднэ. Хувийн амьдралдаа томоохон өөрчлөлт хийх санаа төрнө. Ирээдүйдээ зориулан хуримтлал үүсгэхэд сайн. Өөрийн хүрээлэл, ялангуяа нөхөрлөлийн харилцааг өргөжүүлэхэд тохиромжтой үе. Хамт олон болон өөрийгөө хүрээлж буй хүмүүсийг удирдахад хялбар байна. Өөрийн бардам зангаа орхиж нэрэлхэх зүйлгүйгээр бусдаас тусламж хүс.
Жинлүүр: Урьдчилан бодож төлөвлөсөн болон гэнэтийн үйл явдал аль аль нь танд сонирхолтой санаа өгнө. Харин хуучинсаг биш орчин үеийн шинэлэг арга барилыг ашиглан, өөрийн санаж бодсон зүйлээ амжилттай хэрэгжүүлээрэй. Хувийн бизнес эрхлэгч нар төрийн байгууллагатай холбоотой үйл ажиллагаанд оролцох бол илүү хариуцлагатай байх хэрэгтэй. Санамсаргүй алдсан алдаа чинь нэлээд хор уршиг дагуулахыг санаарай. Тулгарсан асуудал бэрхшээлийг хэн нэгний тусламж дэмжлэггүйгээр давж гарах чадвартай байгаа тул бусдад хандахаасаа өмнө өөрөөсөө боломж хайхыг зөвлөж байна. Дуусгалгүй орхисон ажил эсвэл удаан хугацаанд үргэлжилж байгаа төслөө дуусгаснаар эрх чөлөөг мэдрэх болно. Одоогийн хэмнэлээ алдалгүй ажиллавал амжилт удахгүй ирнэ. Дотнын хүнтэйгээ харьцахад таатай. Хосууд бие биедээ сэтгэл хангалуун байх ба аз жаргалтай тайван сайхан уур амьсгал дүүрэн байна. Долоо хоногийн сүүл рүү өөрийн авьяас чадвараа нээх боломж гарах тул сайтар ашиглаж аваарай. Бусдад буян үйлдэх, тусалж дэмжих нь танд эргээд үр шимээ өгөх болно. Та өөрөө ч бусдын санаачилсан ажилд хүндэтгэлтэй хандаж, өөрийн боломжоор хүн бүрд туслахыг хичээ. Гэхдээ бусдын сайхан үг, сэтгэлийн хөөрлөөр гаргасан амлалтад хууртах хэрэггүй. Худалдаа наймааны ажил хийх хүмүүс бусдыг дуурайвал хөлд нь үрэгдэж магадгүй тул чадахгүй зүйлээр оролдохгүй байхыг зөвлөж байна. Амжилттай яваа хүнд дургүйцэх байдлаа илэрхийлэх зохисгүй үйлдэл гарч магадгүй. Гэвч таны хувьд нэр хүндээ бататган, ямар нэгэн зүйлээрээ олноос онцгойрон гялалзах болно.
Хилэнц: Долоо хоногийн эхээр аливаа асуудлыг шийдвэрлэх явцад хүндрэл бэрхшээл тулгарах ч шантарч замаасаа хазайлгүй эхэлснээ дуустал хийхийг од эрхэс танд зөвлөж байна. хайр сэтгэлийн таагүй харилцаа нь хөндий хүйтэн, үзэн ядалтыг бий болгож, муу мэдрэмж таныг эзэмдэх болно. Оюун санааны хувьд сэтгэн бодох чадвар муудах хандлагатай байна. Гадна орчны нөлөөнөөс шалтгаалан таны бие болоод сэтгэл санаа тавгүйтэж эхэлнэ. Долоо хоногийн дундуур алдар нэртэй бөгөөд нөлөө бүхий хүнтэй уулзаж ярилцах таатай боломж тохиох тул үүнийг алдаж болохгүй. Та амьдралдаа хэрэгжүүлж болохуйц олон сонирхолтой мэдээ мэдээллийг олж авах болно. Ганцаар ямар нэгэн эрсдэлтэй ажил хийх гэж зүтгэх нь тохиромжгүй байх бөгөөд энэ нь таны сэтгэл санааны тогтворгүй байдалтай шууд хамааралтай байна. Харин долоо хоногийн сүүлээр ажил дээрээ далд явуулга маягийн зүйл гаргахгүй байхыг зөвлөж байна. Таны буруу үйлдэл албан тушаал ахиж дэвшихэд сөргөөр нөлөөлөх болно. Оюуны хөдөлмөр эрхлэгч хүмүүст таатай байх бөгөөд мэргэжлийн ажилдаа азтай одтой байхыг билэгдэж байна. Нөхцөл байдал танд нааштайгаар хандаж, байж болох таатай боломжийг олгоно. Харин бизнесийн үйл ажиллагаа явуулах хүмүүсийн сайн судлаагүй арилжаа наймаа хийхэд эрсдэлтэй хэмээн анхааруулж байна.
Нум: Долоо хоногийн эхэн үед хүнд хүчир хөдөлмөр эрхлэхээс зайсхий. Учир нь таны бие махбодын эрч хүч тийм ч сайнгүй байна. Мөн нягт нямбай үйл ажиллагаа их шаардах ажил хийх гэсний ч хэрэггүй байх. Хүч чадал, нөөц боломжоо буруу дүгнэх хэрэггүй. Хэзээ нэгэн цагт аз гийж, гэнэт их мөнгөтэй болно гэж хий мөрөөдөх нь таны ирээдүйд хийж бүтээх олон зүйлийг нураах болно. Ажлын ачааллаа тохируулан, эрүүл мэнддээ анхаарах хэрэгтэй. Гэр бүлд таагүй уур амьсгал үүсэхгүй байх эсэх нь таны биеэ авч яваа байдал, үзэл бодлоо өөрчлөх зэргээс ихээхэн шалтгаална. Долоо хоногийн дунд үеэс хариуцсан ажил амжилт олох эсэх нь мэдэгдэхгүй тул өөрийгөө азгүй, бүтэлгүй нэгэн гэж бодох юм бол урам хугарна. Ажилладаг салбартаа өөрийн мэдлэгийн хүрээг тэлж, өргөн хүрээнд мэдээлэл цуглуулах шаардлага зайлшгүй гарна. Ахмад туршлагатай хүмүүсээс хэрэгтэй зөвлөгөө хүлээн авах боломж гарна. Ажлын хамт олондоо таны зөв үлгэр дуурайлал хэрэгтэй гэдгийг санаарай. Шинэ эрч хүчээр ажлаа эхлүүлэх боломж ирнэ. Танд багагүй ашиг орлого олохыг амласан шинэ төсөл, төлөвлөгөө гарч ирнэ. Төрийн албан тушаалтны эрх ямба хүнд суртлын эсрэг тэмцэж, өөрийн үзэл бодлоо илэрхийлэх бололтой. Хэрэгцээтэй эд зүйлсийг худалдан авах хүсэл нэмэгдэнэ. Гэхдээ зайлшгүй шаардлагатай зүйлийнхээ жагсаалтыг гарган юу хэрэгтэй байгаагаа төлөвлөж байж, зарцуулалт хийгээрэй. Таны хариуцлагатай байдал, хувийн сайн зохион байгуулалт нь амьдралд эергээр нөлөөлж, ирээдүйгээ сайхан байдал руу чиглүүлж чадна.
Матар: Энэ долоо хоногт мэргэжлийн үйл ажиллагаанд од эрхэс амжилтыг амлаж байна. Саад бэрхшээлийг хүндээр хүлээж авалгүй, амьдралын туршлага болгон өөрийгөө хөгжүүл. Ажил хэрэгтээ төвлөрч, ур чадвар өндөр байснаар үр дүнд хүрнэ. Өөрийн дотор төрөх сэтгэлийн түгшүүрийг хайртай дотнын хүмүүстэйгээ хуваалцаарай. Нээлттэй ярилцсанаар та илүү өөдрөг үзэлтэй, сэргэлэн цовоо болж мэдэх юм. Хамт ажилладаг хүмүүсээ хэн нь хэн бэ гэдгийг сайтар ажиглаж, дүгнэлт хийхийг оролд. Ажлын хариуцлага алдвал асуудал хүндэрч магадгүй. Олон төрлийн харилцаа холбоо бий болох төлөвтэй тул бүгдэд нь бэлтгэлтэй байж, өөрийн чиг шугамаа алдахгүй байхыг зөвлөж байна. Ойр тойронд үүссэн таагүй мэдээллийг хүндээр тусгаж авах хэрэггүй. Таныг гэсэн ойр дотнын хүмүүсийн хандалт ихсэх боловч тэр бүрд тусламж дэмжлэг үзүүлэх боломж бололцоо дутагдана. Хувийн харилцаа таны тэсвэр тэвчээрийг шалгаж магадгүй. Ойр дотнын хүмүүсийн хандлага таныг тав тухгүй болгоно. Хамгийн дотнын найз тань сэтгэлийн дэм, урам зоригийг бэлэглэх болно. Хайр дурлалын ээдрээтэй харилцааг зохицуулах хэцүү байх боловч хүндрэлийг давах боломжийг таны шударга бөгөөд өөрийгөө ялах чадвар өгнө. Хайртай хүнтэйгээ сайхан харилцаагаа хэвээр авч үлдэх нь энэ цаг үед хамгийн чухал гэдгийг санаарай. Эрүүл мэндийн бага сага асуудал гарч мэднэ. Эртнээс эхэлсэн өвчин таныг ядрааж, зовоож магадгүй. Гэхдээ ямар ч таагүй нөхцөл байдлыг хүндээр хүлээж авалгүй, сэтгэл санааны тогтвортой байдлаа хадгалах хэрэгтэй. Идэж ууж байгаа хоол хүнсний чанар, гарал үүсэлд сайн анхаарах хэрэгтэй.
Хумх: Долоо хоногийн эхээр хөрөнгө оруулалтын үйл ажиллагаанд болгоомжтой хандаарай. Санхүүгийн томоохон асуудлаас сэргийлэхийн тулд тооцоолоогүй зардлууд мөн ашиггүй худалдан авалтуудаас татгалзах хэрэгтэй. Хамт олонтойгоо зарим зүйл дээр санал нэгдэж чадахгүй байгаа бол түүнийгээ нэг тийш болгон шийдвэрлэх зайлшгүй шаардлага тулгарах бололтой. Танд нарийн мэргэжилтний эсвэл удирдлагын зүгээс гаргах шийдвэр хэрэг болж мэднэ. Сайхан сэтгэл таны нэр хүнд, байр суурийг бататгаж өгнө. Гэнэтийн бэлэг, баяр талархал хүлээх зэрэг нь таны хувьд хүртэх ёстой шагнал тул талархан хүлээж аваарай. Долоо хоногийн дундуур гадаад үзэмж, харагдах байдалдаа анхаарал тавьж шинэ загварын хувцас худалдан авч, дүр төрхөө өөрчил. Таныг халамж анхаарал сэтгэл татам харагдуулах болно. Аливаа ажлыг ул суурьтай бодож шийдвэрлэх нь амжилтад хүрэхэд түлхэц болох болно. Асуудлыг өөр өнцгөөс харахад нөлөөлөх шинэ танилтай учирна. Хайр сэтгэлийн харилцаа нь танд баяр хөөр , өөртөө итгэх итгэлийг өгөх болно. Харин долоо хоногийн сүүлээр хууран мэхлэгдэх магадлал өндөр байгааг од эрхэс танд анхааруулж байна. Эцэг эх, ахмад настай хүмүүстээ тавих анхаарал халамжаа нэмэгдүүл.
Загас: Энэ долоо хоногт ажил хэргийн явц удааширч хөдөлмөрийн чадвар буурч мэднэ. Энэ нь алдаа гаргахгүй байхыг сануулж байгаагийн дохио ч байж мэднэ. Зарим ажил тань төдий төвөг учруулахгүйгээр өөрийн зөнгөөрөө л бүтэмжтэй болох ч магадлал байна. Хамтран ажилладаг түншүүдтэйгээ харьцахдаа ямар ч үед сэтгэл хөдлөлдөө бүү авт. Зарим хүмүүсийн зохисгүй үйлдлээс болж та сэтгэлээр унаж магадгүй. Албан томилолтоор явах ажил түр хойшлогдоно. Хувийн бизнес эрхэлдэг хүмүүс ашиг орлого олох бөгөөд ажлаасаа урам зориг, сэтгэлийн таашаал авч чадна. Харин өрсөлдөгч нартаа өөрийн сул талаа мэдүүлэх хэрэггүй. Таны алдаа дутагдлыг тэд шүүрэн авч буруугаар ашиглаж магадгүй. Өмнө нь хөөцөлдөөд бүтээгүй албаны ажил амжилттай бүтнэ. Харин хувийн амьдралд үүссэн асуудал санаснаар бүтэхгүй тул та сэтгэл гонсойно. Ялангуяа хайр дурлалын адал явдал тийм ч таатай биш байна. Зарим үед шүүмжлэл танд муу санасандаа бус сайхан сэтгэлийн үүднээс гардаг гэдгийг ойлгоорой. Элдэв зүйлд анхаарлаа хандуулалгүй өдөр тутмын ажилдаа бүх сэтгэлээ зориул. Хэрэв танд ямар нэгэн ашигтай, шинэ санаа төрсөн бол түүнийгээ өөрийн болгох, бодит ажил болгох тал дээр хурдан арга хэмжээ аваарай. Гэхдээ санасан зорьсон зүйлээ заавал хийх гэж зүтгэх эсвэл ялих шалихгүй зүйлийг ч өөрийн зөв болохыг батлах гэж оролдох зэрэг нь таныг илүү ядраана. Ажил амралтыг зөв хослуулж аль болох эрч хүчтэй байж л амжилтад хүрэх болно. Анхаарал сайн төвлөрөхийн тулд сайн төлөвлөгөө гаргах хэрэгтэй. Та сайн төвлөрөх юм бол ажил хэрэгч, бүтээлч хүмүүсийн эгнээнд ямагт байж чадна. Санхүүгийн байдлаа хянан, одоогийн боломжоо тодорхойлж байж худалдан авалт хийх нь тохиромжтой байна.
