Индукцэн болон керамик зуух эзэгтэй нарын гол туслах ч түүнийг өнгөлж, зүлгэнэ гэдэг жаахан бэрх ажил байдаг. Элдэв цэвэрлэгээний бодисоор цэвэрлээд ч толбо нь арилахгүй тохиолдол элбэг. Тэгвэл та бүхэнд гарын доорхи материалаар цахилгаан зуухаа шил толь шиг гялтагнуулах аргыг зааж өгье.
Танд бага зэрэг хөөлгөгч сода (baking soda), аяга таваг угаагч хийж хөөсрүүлсэн халуун ус, алчуур байхад л хангалттай.
1. Сода плитканыхаа гадаргуун дээр жигд тараан цацна. Бохирдлын хэмжээнээс хамааран хэмжээг өөрөө тааруулаарай.
2. Халуун усанд аяга таваг угаагч шингэнээ хийж хөөсрүүлээд алчуураа дүрнэ.
3. Алчуурныхаа усыг бага зэрэг базаадцацсан сода дээр хучиж тавина.
4. Дор хаяж 15 мин дэвтээсний дараа гадаргууг уг алчуураараа сайтар үрнэ (бээлий өмсвөл дээр).
5. Гадаргууг цэвэр алчуураар арчиж авна. Хатсаны дараа дахин арчаарай.
