2019.11.26
11.30 Монгол Улсын Үндсэн хуулийн нэмэлт, өөрчлөлтийн уг эхийг баталгаажуулах ёслол
/Төрийн есөн хөлт цагаан туган дээр/
12.00 Жанжин Д. Сүхбаатарын хөшөөнд цэцэг өргөх ёслол
14.00 “Тусгаар тогтнол ба Үндсэн хууль” УИХ-ын дарга Г.Занданшатарын хүндэтгэлийн лекц
/Тусгаар тогтнолын ордонд/
2019 .11.27
14.00 Анхдугаар Үндсэн хуулиа баталж, Бүгд Найрамдах Улсаа тунхагласны 95 жил, Их Эзэн Чингис хааны мэндэлсний 857 жилийн ой, Монгол бахархлын өдөрт зориулсан шигшмэл 128 бөхийн барилдаан
/“Буянт-Ухаа” спорт цогцолборт/
Арваннэгдүгээр сарын 26-нд Улс тунхагласны баяр, арваннэгдүгээр сарын 27-нд Чингис хааны мэндэлсэн өдөр тохиож байна. Нийтээр тэмдэглэх баярын болон тэмдэглэлт өдрүүдийн тухай хуульд Бүгд Найрамдах Улс тунхагласан өдөр арваннэгдүгээр сарын 26-нд бүх нийтээр амарна гэж заасан байдаг. Уг заалтыг 2016 оны арваннэгдүгээр сарын 18-ны өдөр нэмэлтээр хуульчилж оруулсан юм.
Харин Чингис хааны мэндэлсэн өдрийг Билгийн тооллын өвлийн эхэн сарын шинийн нэгэнд тэмдэглэхээр 2012 онд хуульчилсан. Мөн Их хааны мэндэлсэн өдрийг “Монгол бахархлын өдөр” гэж нэрийдэж бүх нийтээр ёслон тэмдэглэж байх Ерөнхийлөгчийн зарлиг гарсан юм. Хуулийн дагуу бүх нийтээр амрах эдгээр өдөр нь ажлын өдөр буюу мягмар, лхагва гарагт таарч байна.
