Шинэ төрлийн коронавирусийн халдвар зарим улс орнуудад буурч байгаа ч шинээр бүртгэгдсэн орнуудад эрчимтэйгээр тархаж байна. Энэ вирусийн мэдээллийг хүн бүрт хүргэхийн тулд улс орнууд мэдээллийн хэрэгслээр дохионы хэлмэрчидтэй хамтран ажиллаж байгаа. Ард түмэнд мэдээллийг түгээн тараахад дохионы хэлмэрч, орчуулагчдын үүрэг их байгаа юм.
Дохионы хэлмэрч нар амны хаалт зүүн орчуулга хийх боломжгүй учраас Хятадын дохионы хэлмэрч, орчуулагч нар өөрсдөө хуванцартай амны хаалт бүтээж, сүүлийн үеийн шинэ мэдээ мэдээллийг хөгжлийн бэрхшээлтэй иргэдэд хүргэсээр байна.
