Мэргэжлийн боксын WBC холбооны 57,2 кг-ийн жингийн дэлхийн аварга Гэри “ Бага” Рассельтай IBO холбооны дэлхийн аварга, манай боксчин “King Tug” Нямбаярын Төгсцогтын хийх тулаан 2020 оны хоёрдугаар сарын 8-ны өдөр явагдахаар боллоо.
Тулаан АНУ-ын Пенсильваниа мужийн Аллентаун хотын 10 000 хүний суудалтай “PPL Center” спортын ордонд болох аж. Гэри Рассель-Н.Төгсцогт нарын энэ тулаан тухайн өдрийн гол тулаан нь болох бөгөөд Америкийн үндэсний хэмжээний томоохон ТВ болох SHOWTIME шууд дамжуулах юм байна.
