Ирэх улирлаас эхлээд сургуулийн автобусаар зорчиж байгаа хүүхэд бүр ийм шар ногоон өнгийн чиптэй бугуйвч хэрэглэх юм байна. Хүүхдүүд бугуйвчаа зураг дээр тэмдэглэсэн улаан төхөөрөмж дээр хүргэж мэдрүүлснээр эцэг эхийн утсанд мэдээлэл очин, аав ээжүүд хүүхдээ хаана явж байгааг гар утсаараа хянах боломжтой аж. Ингэснээр хүүхдээ өвлийн хүйтэнд гадаа удаан зогсоохгүй, мөн ямар нэгэн эрсдэлд оруулахгүй хянаж байх боломж бүрэн бүрдэж байна.
