Улс төрд хатуу самар гэгдэх Монгол Улсын Ерөнхий сайд асан С.Баяр өөрийн туулж өнгөрүүлсэн амьдралын тухай өгүүлсэн “Жаран хоног Жарны бутархай” хэмээх ном бичиж олны хүртээл болгосон. Ном хэвлэлтээс гарсан даруйдаа дуусаж байсан гэхээр энэ хүмүүн хэр сонирхолтой амьдралыг туулсан нь тодорхой. Тэгвэл “Жаран хоног Жарны бутархай” ном хоёр хэсгээс бүрдэнэ.
Эхний хэсэг “Жаран хоног” нэртэй. Энэ хэсэгт Ганц худаг буюу Цагдан хорих 461 дүгээр ангид өнгөрүүлсэн хоёр сарын тэмдэглэл оржээ. Номын хоёрдугаар хэсэг нь “Жаран” бутархай нэртэй.
Харин энэ хэсэгт хүний хорвоод нэгэн жарныг туулан амьдрахдаа уулзаж, нөхөрлөсөн хүмүүсийн хөрөг, хувь хувьсгалын амьдралд ул мөрөө үлдээсэн үйл явдлуудын тэмдэглэл багтжээ. Харин уншсан хүн бүрээс өндөр үнэлгээ авч чадсан уг ном 2019 оны шилдгийн шилдэг номоор шалгарсан байна.
