“Хүүхдийн мөнгөн тэтгэмжийн талаар авах зарим арга хэмжээний тухай” журмыг Засгийн газраас баталсан. Журмын дагуу иргэд 2020 оны нэгдүгээр сараас эхлээд аймаг, дүүргийнхээ нийгмийн ажилтанд хүсэлт гаргавал тухайн сараас нь эхлэн хүүхдийн мөнгийг олгох юм байна. Ингэхдээ төсөвт нийт хүүхдийн 80 хувьд буюу 912,000 хүүхдэд олгох мөнгөн тэтгэмжид шаардлагатай 218 тэрбум төгрөгийг суулгаж баталсан юм.
