2020.01.03 БААСАН ГАРАГ
ӨВЛИЙН ДУНД УЛААН ХУЛГАНА САРЫН
ХОЁР ХАР ХӨХӨГЧИН МОГОЙ ӨДӨР
- Үс засуулбал: Нас уртасна
- Наран ургах, шингэх: 08.42-17.11
- Барилдлага: Идэр
- Шүтэн барилдлага: Сэрэхүй
- Суудал: Уул
Аргын тооллын 1 сарын 3, Сугар гараг. Билгийн тооллын 8, Дэлгэрүүлэгч одтой, хөхөгчин могой өдөр. Өдрийн наран 8 цаг 42 минутад мандан, 17 цаг 11 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гух, инж өгөх, авах, үнэт эрдэнийн зүйл авах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой.
