Энэ долоо хоногийн УИХ-ын чуулганаар Орон нутгийн сонгуулийн тухай хуулийг хэлэлцэн батлах учиртай. УИХ-ын сонгуулийн тухай хуулиар 2020 оны УИХ-ын ээлжит сонгуулийн томсгосон мажоритар тогтолцоогоор явуулна. Өөрөөр хэлбэл, аймаг бүхэлдээ нэг тойрог болох бөгөөд хүн амын тооноос хамаарч мандатын тоог гаргах юм. Хуулийн дагуу сонгууль болох жилийн хоёрдугаар сарын нэгнээс өмнө УИХ-ын сонгуулийн тойрог байгуулж, мандатын тоог тогтоох ёстой юм. Тэгвэл сонгуулийн мандатын тоог хэрхэн хуваарилах талаар урьдчилсан тооцооллыг гаргажээ.
