Үндэсний Олон Нийтийн телевизээр гараад буй “Бурхан багш” кино үзэгчдийн хүртээл болсоор буй. Буддын шашинт Монголчуудын үзэх дуртай киноны нэг болсон уг киноны Бурхан багшийн дүр бүтээсэн жүжигчний талаар товч танилцуулья.
Энэтхэгийн Телевиз, киноны жүжигчин Химаншу Сони 1989 оны 2 дугаар сарын 1-нд Ражастан мужийн Жайпур хотод төржээ. Тэрээр одоо 31 настай. Химаншу Сони нь Жайпур хотын Худалдааны коллежийг төгссөн бөгөөд Худалдааны бакалавр зэрэгтэй. 2011 онд тэрээр телевизийн салбарт хүч үзэхээр Мумбайд ирэхээр шийджээ. Улмаар тэрээр 2015 онд жүжигчин Шетал Сингхтэй гэрлэсэн бөгөөд Жайпур хотын олон улсын сургуульд суралцаж төгссөн байна.
Химаншугийн ээжийг Калпана гэдэг. Тэрээр Сони Бхарти, Моника хэмээх хоёр эгчтэй.
Авьяаслаг басхүү царайлаг жүжигчин маань 2011 онд Дваркадхээш хэмээх анхны телевизийн шоундаа оролцож байжээ.
Жүжигчин Химаншу Сони "Будда" кинонд тоглосноос гадна, “Парвариш”, “Радхакришн”, “Нели Чхати Вейл”, “Дваркадеш” зэрэг алдартай телевизийн шоунд оролцсоноор олонд танигдсан юм. Тэрээр “Zee ТВ”-ийн "Будда" киноны гол дүр ханхүү Сиддхартын дүрийг гайхалтай сайн бүтээсэн жүжигчин юм.
Дэлхий дахинаа Буддатай төстэй хэмээн танигдсан Химаншу нь биеийн тамир, дуу болон аялалд явах дуртай гэнэ. Мөн тэрээр жолоодлого бол миний амьдралын салшгүй хэсэг мөн хэмээсэн бөгөөд түүний ганц дуртай хоол нь пицца гэнэ.
Эх сурвалж: Р.Сайхан–Уул
