Нийслэлийн Засаг даргын Тамгын газар, Шинжлэх ухаан, үйлдвэрлэл, инновацын газраас хэрэгжүүлж буй “10000 программист” бэлтгэх төслийн сургалт өнөөдрөөс эхэлж байна.
Тус төсөл нь мэдээлэл, технологийн салбарын ажлын байрыг нэмэгдүүлэх, өндөр ур чадвар бүхий хүний нөөцийг бэлтгэх, багшлах боловсон хүчнийг чадавхжуулах, программ хангамжийн сургалтын хөтөлбөрийг сайжруулах зорилготой төсөл юм.
Сургалтыг “Эмпасофт” академи явуулж байгаа бөгөөд дараагийн ээлжийн сургалтад хамрагдахыг хүсвэл www.ulaanbaatar.mn сайтаар бүртгүүлнэ үү.
