Орхон аймгийн Баян-Өндөр сумын Говил багийн Булагийн 2 дугаар гудамжинд байшин шатаж байна гэсэн дуудлагыг 6 сарын 14-ний өдрийн 11:31 цагт аймгийн Онцгой байдлын газарт өгчээ. Тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид 10 км замыг туулан 11:45 цагт очиж, иргэн М-ын 4х8 метрийн хэмжээтэй байшин, 5 ханатай гэрийн хойд хэсэг шатаж байсныг 52 минут ажиллаж унтраасан.
Өмнөговь аймгийн Даланзадгад сумын Жаргалант багийн 1 дүгээр гудамжинд гэр шатаж байна гэсэн тухай дуудлагыг 6 сарын 14-ний өдрийн 14:59 цагт аймгийн Онцгой байдлын газар хүлээн авсан. Тус аймгийн Онцгой байдлын газрын Гал түймэр унтраах, аврах 21 дүгээр ангийн алба хаагчид 2.5 км замыг туулан 15:02 цагт очиж, иргэн Б-ийн 4 ханатай гэр шатаж байсныг 3 минут ажиллаж унтраажээ.
Нийслэлийн Сонгинохайрхан дүүргийн 34 дүгээр хороо, Баянголын-Амны Задгайд гэр шатаж байна гэсэн дуудлагыг 6 сарын 14-ний өдрийн 15:41 цагт аймгийн Онцгой байдлын газар хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 11 дүгээр ангийн алба хаагчид 7.5 км замыг туулан 15:51 цагт очиж, иргэн Ц-ийн 5 ханатай гэр, 5х4 метрийн хэмжээтэй байшингийн зүүн талын хана шатаж байсныг 10 минут ажиллаж унтраажээ.
Завхан аймгийн Улиастай сумын Жинст багийн Элдэв–Очирын нэрэмжит Чандмань-Эрдэнэ цогцолбор сургуулийн хашаанд өвс шатаж байна гэсэн дуудлагыг 6 сарын 14-ний өдрийн 17:50 цагт аймгийн Онцгой байдлын газар хүлээн авч Гал түймэр унтраах, аврах 43 дугаар ангийн алба хаагчид 2.5 км замыг туулан 17:55 цагт очиж, тус сургуулийн хашаанд өнжмөл шар өвс шатаж байсныг 10 минут ажиллаж унтраажээ.
Онцгой байдлын Ерөнхий газар
