433 тамирчинд 11 тэрбум 550 сая төгрөг зарцуулж, сар бүрийн зохих урамшууллыг олгожээ

2021-04-09

433 тамирчинд 11 тэрбум 550 сая төгрөг зарцуулж, сар бүрийн зохих урамшууллыг олгожээ

УИХ-ын гишүүн, БСШУС-ын байнгын хорооны дарга Г.Дамдинням спортын холбоод, тамирчдын сахилга хариуцлага, ёс зүй болон төрөөс олгох мөнгөн урамшууллын талаар тодорхой саналыг Монгол Улсын Ерөнхий сайд Л.Оюун-Эрдэнэд бичгээр хүргүүлжээ.

Засгийн газрын 2013 оны 183-р тогтоолоор “Олимп, тивийн наадам, дэлхийн зэрэглэлийн тэмцээнд амжилттай оролцож медаль хүртсэн тамирчин, түүний дасгалжуулагчийг шагнаж урамшуулах журам” батлагдсанаас хойш өнөөдрийг хүртэл нийт 433 /давхардсан тоогоор/ тамирчинд 11 тэрбум 550 сая төгрөг зарцуулж, сар бүрийн зохих урамшууллыг олгосон байна.

Уг тогтоолд тамирчин зөвхөн допинг хэрэглэсэн нь тогтоогдвол мөнгөн шагнал, урамшууллыг олгохгүй, олгосны дараа илэрвэл нөхөн төлүүлэх заалттай байдаг аж. Иймд Биеийн тамир, спортын тухай хуулийн 11.3.6-д заасан спортын холбоод тамирчны ёс зүйн дүрмийг олон улсын дүрэмд нийцүүлэн батлан мөрдүүлж эхлэх шаардлагатай байгааг онцолжээ.

Мөн БСШУС-ын байнгын хорооны зүгээс хуулийн хэрэгжилтийг шалгаж санал, дүгнэлт гаргах, шийдвэрийн төсөл боловсруулах үүрэг бүхий ажлын хэсэг байгуулж, тайланг хэлэлцэхээр болсон байна.

Эх сурвалж: Биеийн тамир, спортын улсын хороо

Сэтгэгдэл үлдээх

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Зөгий.мн хариуцлага хүлээхгүй.

Нэр

Сэтгэгдэл *

Цаг үеийн мэдээ

433 тамирчинд 11 тэрбум 550 сая төгрөг зарцуулж, сар бүрийн зохих урамшууллыг олгожээ

Сэтгэгдэл үлдээх

Таны сурталчилгаа