Монгол улсын Ерөнхийлөгч У.Хүрэлсүх "Токио 2020" Зуны олимпын наадмаас хүрэл медаль хүртсэн М.Уранцэцэгт баяр хүргэлээ. Тэрээр: "Монгол Улсын Гавъяат тамирчин Мөнхбатын Уранцэцэг жүдо бөхийн 48 кг-ын жинд хүрэл медаль хүртэж, "Токио- 2020" зуны XXXII олимпын наадмын анхны медалийг эх орондоо авчирсанд халуун баяр хүргэе. Монгол Улсын баг тамирчид Токиогийн тэнгэрт Төрийн далбаагаа дахин дахин мандуулна гэдэгт итгэлтэй байна" хэмээн өөрийн цахим хуудастаа нийтэлжээ.
