"Токио-2020" зуны олимпын наадмын жүдо бөхийн эрэгтэйчүүдийн +100 кг жинд Үндэсний шигшээ баг, Зэвсэгт хүчний "Алдар" спорт хорооны тамирчин, гавьяат Тамирчин Өлзийбаярын Дүүрэнбаяр эхний тойрогт Узбекистаны жүдоч Бекмурод Олтибоевтой барилдаж ялагдлаа.
ДАШТ-ий хүрэл, Залуучуудын дэлхийн аваргын алт, мөнгө, Цэргийн дэлхийн аварга, 2014, 2018 оны Азийн наадмын мөнгө, 2018 оны Азийн аваргын хүрэл медальт Ө.Дүүрэнбаяр /Чансаа 25/, 2018 оны Азийн наадмын хүрэл медаль 2018, 2019 оны "Ташкентын Гран при" мөнгөн медальт Б.Олтибоев /Чансаа 21/-той хүч үзэж, түүнд үүрэх мэхээр цэвэр ялагдаж, Токиогийн олимпын тэмцээнээ дуусгав.
