Мэргэжлийн сүмо бөхийн Аки башё маргааш буюу есдүгээр сарын барилдаан Токио хотын Рёогокү Кокүгикан ордонд 13 дахь өдрөө үргэлжилж байна.
Энэ удаагийн башёг Хакүхо болон түүний Мияагино дэвжээнийхэн цар тахлын улмаас өнжиж байгаа бол шинэхэн ёкозүна Тэрүнофүжи Г.Ган-Эрдэнэ өчигдөр озеки Такакэйшотой барилдаж давлаа. Улмаар 12 даваа, хоёр унаатай болсон бөгөөд Аки башёг ганцаар тэргүүлж байгаа бол өнөөдрийн түүний өрсөлдөгч озеки Шодайтай барилдана. Харин түүний араас маэгэширагийн 6-аас барилдаж байгаа, Оношо, маэгэширагийн 10-аас барилдаж байгаа Мёогирю, маэгэширагийн 11-ээс барилдаж байгаа Эндо нар араас нь нэхэж байна.
Энэ башед комүсүби цолтойгоор барилдаж байгаа Ичиножо А.Ичинноров өчигдөр маэгэширагийн 11-ээс барилдаж байгаа Эндотэй барилдаж давлаа. Улмаар найман даваа, зургаан унаатай болсон бөгөөд өнөөдөр түүний өрсөлдөгч маэгэширагийн 4-өөс барилдаж байгаа Даэйшотой барилдана.
Харин маэгэширагийн 2-оос барилдаж байгаа Кирибаяама Б.Лхагвасүрэн өчигдөр маэгэширагийн 12-оос барилдаж байгаа Точиношинтэй барилдаж давлаа. Улмаар найман даваа зургаан унаатай болсон бөгөөд өнөөдөр түүний өрсөлдөгч маэгэширагийн 16-аас барилдаж байгаа Чиёомарүтэй барилдана.
Аки башёгийн дээд макүүчи зиндаанд дараах монгол бөхчүүд зодоглоно.
Ёкозүна Тэрүнофүжи Г.Ган-Эрдэнэ 12-2
Комүсүби Ичиножо А.Ичинноров 8-6
М-1 Хошорюү С.Бямбасүрэн 5-7 /2 өдөр гэмтсэн/
М-2 Кирибаяама Б.Лхагвасүрэн 8-6
М-4 Тамаваши Б.Мөнх-Оргил 5-9
М-5 Чиёошома Г.Мөнхсайхан 3-11
