"Осло 2021" ДАШТ-ий 65 кг-ын жинд шөвгийн 16-д Японы Кайки Ямагүчитай 3:2-оор ялсан ОУХМ Төмөр-Очирын Тулга 1/4 шигшээд өнгөрсөн жилийн Дэлхийн цомын аварга, өсвөр үе, залуучууд, 23 хүртэлх насны Европын аварга Армений Вазген Теванянтэй мөн л хүндхэн барилдаан хийж 2:1-ээр ялснаар хагас шигшээд шалгарлаа. Тэрбээр манай цагаар 22:30 минутад хагас шигшээд энэ жилийн Европын аварга ОХУ-ын Загир Шахиевтай барилдана.
