Монгол Улсын Засгийн газраас нийт хүн амаа хепатитийн вирусийн халдвараас урьдчилан сэргийлэх, эрт илрүүлэн эмчлэх, элэгний хатуурал, элэгний хорт хавдрын шалтгаант нас баралтыг бууруулах зорилгоор “Элэг бүтэн Монгол” үндэсний хөтөлбөрийг 2017-2020 онд улс орон даяар амжилттай хэрэгжүүлсэн. Энэ хугацаанд тус хөтөлбөрт 1 сая 300 мянга гаруй иргэд хамрагдаж хепатет В,С вирусийн илрүүлэг, баталгаажуулах, идэвхжил тодорхойлох шинжилгээ хийлгэсэн бөгөөд ЭМД-ын сангаас тус тусламж, үйлчилгээнд 66,4 тэрбум төгрөгийн санхүүжилтийг зарцуулсан юм.
Цаашид хөтөлбөрийг үргэлжлүүлэх талаар Засгийн газар, Эрүүл мэндийн яамны түвшинд хэлэлцэж байгаа бөгөөд тодорхой шийдвэр гарсан үед бид эргэн мэдээлнэ. Хөтөлбөрийн хүрээнд хийгдэж байсан элэгний вирусийн баталгаажуулах, идэвхжил тодорхойлох шинжилгээ болон элэгний С вирусийн эмийн үнийн хөнгөлөлтийн санхүүжилтийг түр хугацаанд зогсоож байгаа тухай Эрүүл мэндийн даатгалын ерөнхий газраас мэдээллээ.
