"Буянт-Ухаа" Олон улсын нисэх буудалд 2022 оны тавдугаар сарын 21-ний бямба гарагт "Нисэх загварын спортын тэмцээн" болон дэлхийн 8 рекорд эзэмшигч "Zola & Bros" циркийн үзүүлбэр, мөн нисэхийн мэргэжил сурталчлах өдөрлөг арга хэмжээ зохион байгуулагдах гэж байна.
Тус арга хэмжээний хүрээнд сонирхолтой циркийн тоглолт болоод нисэх загварын үзүүлэх тоглолт, тэмцээн, үзэсгэлэн худалдааг үзэж сонирхох боломжтойгоос гадна, сөнөөгч онгоц тэргүүтэй агаарын хөлгийн үзүүлэнг үзэх боломжтой.
Тасалбарыг 2022.05.13-ны баасан гарагаас эхлэн "Буянт-Ухаа" Олон улсын нисэх буудлын нэг давхраас болон www.ticket.mn-ээс захиалан авах боломжтой. Түүнчлэн арга хэмжээний өдөр газар дээрээс нь худалдан авах боломжтой юм.
