ОХУ-ын Ерөнхийлөгч Владимир Путин, Батлан хамгаалахын сайд Сергей Шойгу нар 5-р сарын 25-нд Москва хотын цэргийн эмнэлэгт эмчлүүж байгаа цэргийнхэнтэй уулзжээ.
“Тусгай ажиллагаа” эхэлснээс хойш Путин шархадсан Оросын цэргийнхэнтэй анх удаа уулзаж байгаа нь энэ юм. 5-р сарын 16-нд ОХУ-ын Батлан хамгаалах яам Украин дахь тусгай ажиллагаанд оролцсон оросуудыг Путины зарлигаар 28 одон, медалиар шагнасан тухай мэдээлж байсан. Шагнал гардуулах ёслол зургаан эмнэлэгт болж өнгөрсөн.
ОХУ-ын Батлан хамгаалах яамны хамгийн сүүлд 3-р сарын 25-нд өгсөн мэдээллээр албан ёсоор 1351 цэргийн албан хаагч амь үрэгдэж, 3825 хүн шархаджээ. Барууныхны тооцоолсноор Оросын хохирол 10 дахин байна.
Украинд явуулж буй тусгай ажиллагааны үеэр амиа алдсан Оросын цэргийн бүх ар гэрийнхэнд 7,421,000 рублийн нэг удаагийн тэтгэмж олгоно гэж Путин энэ сарын 3-нд мэдэгдсэн. Мөн талийгаачийн гэр бүлийн гишүүн бүрт сар бүр мөнгөн хэлбэрээр нөхөн олговор олгохоор болжээ. Хэрэв гэрээт цэрэг шархадсан бөгөөд үүнээс болж түүнийг цэргийн албанд тэнцэхгүй гэж үзвэл түүнд 2,968,000 рубль олгоно, харин хөдөлмөрийн чадвар алдсан тохиолдолд сар бүр төлбөр төлнө гэж заажээ.
Эх сурвалж: Ведомости
