АНУ-ын Ерөнхийлөгч Жо Байден Украинд цэргийн тусламж үзүүлэх шинэ багцын тухай захирамжид гарын үсэг зурлаа. Энэ тухай Цагаан ордны цахим хуудсанд мэдээлсэн байна. Багцад, ялангуяа HIMARS алсын зайн пуужингийн систем багтсан бөгөөд тусгал нь хэдэн зуун километр юм.
АНУ-ын Төрийн нарийн бичгийн дарга Энтони Блинкен хэлэхдээ, Киев энэ зэвсгийг Орос дахь объектод цохилт өгөхөд ашиглахгүй гэдгийг Вашингтонд баталгаажуулсан гэжээ.
Украины эрх баригчид хэдэн долоо хоногийн турш алсын тусгалын олон хөөргөх пуужингийн системийг илгээхийг хүсэж байгаагаа илэрхийлсэн. Цагаан ордон ийм зэвсгээр Оросын нутаг дэвсгэрт цохилт өгөх вий гэж эмээж шийдвэр гаргахдаа эргэлзэж байсан юм.
Байдены The New York Times сонинд бичсэн нийтлэлд АНУ болон түүний холбоотнууд Украиныг үргэлжлүүлэн зэвсгээр хангаж, Орост хориг арга хэмжээ авч, НАТО-гийн зүүн жигүүрийг бэхжүүлнэ гэж онцолжээ. Үүний зэрэгцээ Америкийн ерөнхийлөгч НАТО Оростой дайтахгүй, ОХУ Украинд цөмийн зэвсэг хэрэглэхийг зорьсон шинж тэмдгийг АНУ олж хараагүй гэж дахин мэдэгджээ.
Эх сурвалж: Медуза
