Италийн Ерөнхий сайд Марио Драги, Францын Ерөнхийлөгч Эммануэль Макрон, Германы канцлер Олаф Шольц нар дайн эхэлснээс хойш анх удаа Украинд хүрэлцэн ирлээ. Украины төмөр зам компанийн дипломат галт тэргэнд авахуулсан гурван улсын удирдагчдын гэрэл зургийг Италийн засгийн газрын хэвлэлийн албанаас нийтэлжээ. Тэд Киевийг зорьж, Украины Ерөнхийлөгч Владимир Зеленскийтэй уулзана. Мөн Румыны Ерөнхийлөгч Клаус Иоханнис тэдэнтэй нэгдэнэ, тэр бас Киевт ирсэн боловч тусдаа ирсэн байна. Rai News агентлагийн мэдээлснээр, Европын удирдагчдын айлчлал нь тус улсад ЕХ-ны нэр дэвшигчийн статус олгох шийдвэр гарахаас өмнө Украинд дэмжлэг үзүүлж буй дохио хэмээн мэдээллэжээ. 6-р сарын 17-нд Европын Комисс энэ асуудлаар зөвлөмж гаргана, дараа нь 6-р сарын 23-24-нд Брюссельд болох дээд хэмжээний уулзалтын үеэр холбооны орнуудын удирдагчид энэ асуудлыг хэлэлцэх юм байна.
Эх сурвалж: Медуза
