74 дэх Эммигийн шагнал гардуулах ёслол 9-р сарын 13-ны мягмар гарагт Лос Анжелес хотноо боллоо. Шилдэг драмын цуврал киногоор HBO сувгийн "Succession" кино шалгарсан бол Тед Лассо "Шилдэг инээдмийн цуврал" шагналыг хүртжээ.
Шүүгчдийн бүрэлдэхүүн HBO-ийн өөр нэг төсөл болох The White Lotus шилдэг мини цувралаар шалгарчээ. Солонгосын жүжигчин Ли Жон Жэ Netflix-ийн "Squid Game" цувралын гол дүрээрээ драмын цувралын шилдэг эрэгтэй гол дүрийн шагналыг хүртлээ. Мөн The Squid Game кино нь драмын олон ангит киноны шилдэг найруулагчийн шагналыг хүртжээ.
Зэндаяа Euphoria кинонд бүтээсэн дүрээрээ драмын цувралын шилдэг эмэгтэй гол дүрээр шалгарсан, энэ нь түүний хоёр дахь Эммигийн шагнал юм. Өмнө нь тэрээр мөн энэ цувралд бүтээсэн дүрээрээ 2020 оны тэргүүн шагнал хүртэж байжээ.
Жулиа Гарнер Ozark киноны шилдэг туслах эмэгтэй дүрийн шагналыг хүртсэн бол Мэттью Макфадиен Succession киноны шилдэг туслах эрэгтэй дүрийн шагналыг хүртжээ.
Инээдмийн олон ангит киноны шилдэг жүжигчнээр өмнөх жилийнх шигээ Ted Lasso олон ангит киноны гол дүрд тоглосон Жейсон Судейкис тодорлоо. Мөн Бретт Голдштейн тус цувралд тоглосон дүрээрээ шилдэг туслах дүрээр тодорсон. Цуврал өөрөө шилдэг найруулагчийн шагнал хүртсэн байна.
Шүүгчдийн зөвлөл Hacks киноны жүжигчин Жейн Смартыг "Шилдэг инээдмийн жүжигчнээр" шалгаруулж, "Шилдэг инээдмийн туслах дүрийн жүжигчин"-ээр Abbot elementary киноны Шерил Ли Ральф шалгарчээ.
"Breaking" кинонд бүтээсэн дүрээрээ Майкл Китон Dopesick киноны дүрээрээ богино цувралын шилдэг эрэгтэй гол дүрийн шагналыг хүртсэн бол "Dropout" киноны Аманда Сейфрид шилдэг эмэгтэй дүрийн шагналыг хүртжээ.
Эх сурвалж: DW
