Улс орон бүр тамхины татварыг ДЭМБ-ын Тамхины хяналтын суурь конвенцод заасны дагуу 75%-д хүргэхэд 1 хүртэлх насны 231000 хүүхэд, түүний дотор 182000 нярайг эндэгдлээс урьдчилан сэргийлэх боломжтойг 2018 онд Английн Эзэн хааны нэрэмжит коллежийн судлаачид тооцоолжээ.
- Тамхины хэрэглээ нь хүүхдийн эрүүл мэндэд шууд ба шууд бус байдлаар сөрөг нөлөө үзүүлдэг
- Хүүхэд эхийн хэвлийд байхдаа эх нь тамхи татах, төрсний дараа гэртээ дам тамхидалтад өртөх нь дутуу төрөлт, гуурсан хоолойн багтраа өвчинд эрт өртөх эрсдэлийг нэмэгдүүлдэг
- Тамхи татдаг эцэг эхчүүдийн эрүүл мэндэд хүндрэл учруулж, тэдний амьжиргааг залгуулах чадвар, өрхийн орлогод сөргөөр нөлөөлж, хүүхдийн эрүүл мэндэд шууд бусаар нөлөөлдөг байна.
