Есдүгээр сарын 30-нд Кремльд Украины эзлэгдсэн газар нутгийг ОХУ-ын бүрэлдэхүүнд оруулах тухай “гэрээ”-нд гарын үсэг зурна.
Уг арга хэмжээнд төрийн Думын депутатуудыг оролцоно. Донецк, Луганскийн бүгд найрамдах улс болон Запорожье, Херсон мужуудын эзлэгдсэн хэсгүүдийг ОХУ-д нэгтгэх тухай гэрээнд гарын үсэг зурах ёслол есдүгээр сарын 30-нд Кремльд болно гэж ОХУ-ын ерөнхийлөгчийн хэвлэлийн нарийн бичгийн дарга Дмитрий Песков мэдэгджээ.
"15:00 цагт Георгиевскийн танхимд ОХУ-ын бүрэлдэхүүнд шинэ нутаг дэвсгэр оруулах тухай гэрээнд гарын үсэг зурах ёслол болно. Путин өргөн хүрээтэй үг хэлнэ" гэж албаны хүн хэлжээ.
Есдүгээр сарын 30-нд Кремлийн ойролцоох гудамжнуудыг хааж, Улаан талбайд "Донецк, Луганск, Херсон, Запорожье - Орос" гэсэн бичээс бүхий жагсаалын тайзыг хэдийн босгосон тухай өмнө нь мэдээлж байсан.
Эх сурвалж: Настоящее время
