Шведийн генетикч Сванте Паабо Неандерталийн геномыг тайлсан бүтээлээрээ анагаах ухаан, физиологийн салбарт Нобелийн шагнал хүртжээ.
Шагналыг түүнд устаж үгүй болсон гоминидын геном болон хүний хувьслын талаар судалгаа ажлаар уг шагнал олгогдсон гэж Нобелийн хорооноос мэдээлсэн. Нобелийн хорооны ажилтан Нилс-Горан Ларссон Паабогийн ажлын ач холбогдлыг тайлбарлахдаа: "Түүний шагналыг авахад чухал ач холбогдолтой зүйл бол эртний ДНХ-г шинжилж, сэргээх аргуудыг боловсруулсан явдал юм. Эртний ясны ДНХ нь задарч шингэн, химийн гэмтэл авч, үүнээс гадна ДНХ нь бактериар болон дээжтэй ажилладаг хүмүүстэй харьцсанаар маш ихээр бохирдсон байдаг. Паабо хуучин ДНХ-ийн шинжилгээг боловсронгуй болгох өөрийн аргыг боловсруулж, нэвтрүүлж байхдаа одоо байгаа технологи дээр тулгуулан ажилласан” хэмээжээ.
Паабо бол Шведийн биологич, палеогенетикийг үндэслэгчдийн нэг юм. Сванте Паабо орчин үеийн хүмүүсийн устаж үгүй болсон төрөл төрөгсөд болох Неандерталийн геномын дарааллыг гаргажээ. Эрдэмтэд мөн 70,000 жилийн өмнө Африк тивээс нүүж ирсний дараа устаж үгүй болсон гомининуудаас генүүд хомо сапиенст шилжсэн болохыг тогтоожээ.
Энгийнээр хэлэхэд эдгээр генүүд нь орчин үеийн хүнд, жишээлбэл, бидний дархлааны систем халдварт хэрхэн хариу үйлдэл үзүүлэхэд нөлөөлсөн хэвээр байгаа тул энэхүү судалгаа чухал ач холбогдолтой юм.
Эх сурвалж: BBC
