Коммунист намын XX дугаар их хурал өнгөрсөн ням гарагт Бээжинд эхэлсэн. Барууны ажиглагчид төрийн тэргүүн Си Жиньпин гурав дахь удаагаа дахин сонгогдоно гэж харж байна, сүүлчийн их хурлаар тэрээр өөрөө хоёр удаа улиран сонгогдох бүрэн эрхийн хязгаарлалтыг цуцалсан. Одоогийн байдлаар тус нам COVID-ийн эсрэг хатуу бодлогын эсэргүүцэл, эдийн засаг удаашрал, Тайванийн асуудлаар өрнөдийнхөнтэй хурцадмал байдалтай байгаа ч удирдагчдаа сэтгэл хангалуун байгаа гэж таамаглаж байна.
Си Жиньпин хурлыг нээж үг хэлэхдээ юу ч өөрчлөхгүй гэж амласан. Түүний хэлсэн үгнээс үзэхэд Си Жиньпиний үндсэн таван чиглэл хэвээр үлдэнэ:
- "Тэг ковид" хүний амь нас, эдийн засгийг хамгаалах хөл хорио
- Дэлхийн манлайлал ба барууны хөгжлийн загварын гол хувилбарт шилжих
- Улс орны аюулгүй байдал, эдийн засаг, технологийн хөгжил нь "нэн тэргүүний зорилт" хэвээр байна
- "Нийтийн хөгжил цэцэглэлт"-ийн төлөө хятадуудын дунд баялгийн дахин хуваарилах
- Тайваньтай "дахин нэгдэх", “Үүнийг хэрэгжүүлнэ гэдэгтээ эргэлзэхгүй байна” гэж Си Жиньпин хэлжээ.
Түүний хэлснээр:
"Тайваний асуудлыг шийдвэрлэх нь Хятадуудын асуудал, бидний шийдэх асуудал. Бид хамгийн сайн хүчин чармайлтаар энх тайвнаар дахин нэгдэхийн төлөө хичээх болно. Гэхдээ бид хэзээ ч хүч хэрэглэхээс татгалзана гэж амлахгүй, шаардлагатай арга хэмжээ авах эрхээ хадгалах болно " хэмээн хэлжээ.
Баасан гарагт АНУ-ын нисэх онгоц тээгч усан онгоц USS Ronald Reagan Филиппинд хүрэлцэн ирсэн бөгөөд АНУ, Өмнөд Солонгос, Японы хэдэн мянган цэрэг оролцсон хоёр долоо хоногийн сургуулилт өндөрлөсөн. Вашингтон энэ бүс нутагт Хятадын өсөн нэмэгдэж сонирхлыг хязгаарлах шаардлагатай байгаа тухай ярьж байна. Энэ нь зөвхөн Тайванийн тухай биш, мөн Хятад улс өөрийн бааз, дэд бүтцээ аль хэдийн байгуулж байгаа хэд хэдэн маргаантай арлуудын талаар Бээжингийн асуудлын тухай юм.
Эх сурвалж: euronews, BBC
