Даваа гарагийн өглөө Киев хотын төвд дөрвөн удаа дэлбэрэлт болжээ. Украины эрх баригчид Иранд үйлдвэрлэгдсэн Оросын дронууд халдлага үйлдсэн гэж мэдэгдлээ.
"Оросууд энэ нь тэдэнд тусална гэж бодож байгаа ч ийм үйлдэл нь зовлонтой адил юм" гэж Украины ерөнхийлөгчийн тамгын газрын дарга Ермак бичжээ. "Бидэнд илүү олон агаарын довтолгооноос хамгаалах систем хэрэгтэй - аль болох хурдан. Бидэнд удаан хөдлөх цаг алга. Тэнгэрийг хамгаалж, дайсныг устгах илүү олон зэвсэг хэрэгтэй" хэмээн бичжээ.
Төмөр замын төв вокзалын ойролцоо дронууд дайрсны улмаас хэд хэдэн гал түймэр гарч, орон сууцны барилга гэмтсэн гэж Ройтерс агентлаг мэдээллээ.
Шевченковский дүүрэгт дронуудын дайралтаас болж орон сууцны барилгад дэлбэрэлт болсон гэж Киев хотын дарга Кличко бичжээ. 18 хүнийг аварсан ба урьдчилсан мэдээллээр нуранги дор хоёр оршин суугч үлдсэн байна. Аврах ажиллагаа үргэлжилж байна. Галыг унтрааж, барилгын нурсан байгууламжийн хог хаягдлыг зайлуулах ажил үргэлжилж байна" гэж хотын дарга хэллээ.
Украины Ерөнхийлөгч Владимир Зеленский байшин ихээхэн эвдэрч сүйдсэнийг харуулсан бичлэгийг олон нийтэд дэлгэсэн байна. "Бүтэн шөнө, өглөөний турш дайсан энгийн иргэдийг айлгаж байна. Дронууд болон пуужингууд Украин даяар довтолж байна" гэж Зеленский Telegram сувагтаа бичжээ.
Эх сурвалж: BBC
