ОХУ-ын Батлан хамгаалахын сайд Сергей Шойгу ням гарагт НАТО-гийн гишүүн 4 орны батлан хамгаалахын сайд нартай утсаар ярьжээ. ОХУ-ын БХЯ-ны мэдээлснээр тэрээр дор хаяж гуравт нь Украин бохир гэгдэх бөмбөг ашигласан байж болзошгүй талаар санаа зовж байгаагаа илэрхийлсэн байна.
Украинд бохир тэсрэх бөмбөг байгаа, түүнийг ашиглах санаархлыг Киев эрс үгүйсгэж байна. Шойгугийн ярианы талаарх мэдээлэлд хариулахдаа Украины Гадаад хэргийн сайд Дмитрий Кулеба Оросын мэдэгдлийг аюултай, утгагүй гэж нэрлэсэн бол Ерөнхийлөгч Владимир Зеленский Европт цөмийн зэвсэг ашиглах тухай бодож чадах цорын ганц хүн бол ОХУ-ын Ерөнхийлөгч Владимир Путин гэж мэдэгджээ.
Мэдээллийн дагуу Шойгу эхлээд Францын Батлан хамгаалахын сайд Себастьян Лекорнотой, дараа нь Туркийн сайд Хулуси Акар, Их Британийн Батлан хамгаалахын сайд Бен Уоллес, АНУ-ын Батлан хамгаалахын сайд Ллойд Остин нартай ярилцсан байна.
Утсаар ярихын өмнө Оросын РИА Новости төрийн агентлаг "Киевийн дэглэм Украинд "бохир бөмбөг"-өөр өдөөн хатгалга бэлтгэж байна" гэсэн гарчигтай мэдээг нийтэлсэн (энэ нь 9 сарын 23-ны өдрөөр бичигдсэн боловч РИА Новости дээр 10-р сарын 23 нийтлэгдсэн байна). Мэдээлэлд Украины эрх баригчид өөрийн улсын нутаг дэвсгэр дээр "бохир бөмбөг" гэж нэрлэгддэг цөмийн зэвсгийг дэлбэлэхтэй холбоотой өдөөн хатгалгыг бэлтгэж байна гэж "найдвартай эх сурвалжаас" авсан мэдээлэл гэж дурджээ. "Үүний зорилго нь Украинд үй олноор хөнөөх зэвсэг ашигласан гэж ОХУ-ыг буруутгах явдал гэж Оросын агентлаг мэдээлжээ. РИА Новости агентлагийн мэдээлснээр, тэсрэх бөмбөг бүтээх ажил "аль хэдийн эцсийн шатандаа явж байгаа" бөгөөд Украины эрх баригчид "Цөмийн зэвсгийн эд ангиудыг Киевийн эрх баригчдад шилжүүлэхээр Их Британийн төлөөлөгчидтэй далд холбоо барьж байна" гэж таамаглаж байна.
Уг мэдээллийн талаас Москва албан ёсоор ямар нэгэн тайлбар хийгээгүй ч Шойгу Франц, Турк, Их Британийн Батлан хамгаалахын сайд нартай ярилцсан талаарх мэдээ дээр бохир тэсрэх бөмбөгийн талаар тэдэнтэй ярилцсан гэжээ. Үүнээс үзэхэд РИА Новости агентлагийн нийтлэл Кремлийн байр суурийг илэрхийлж байна гэсэн үг юм. Үүний зэрэгцээ тус агентлагийн мэдээлэлд эх сурвалжтай гэхээс өөр нотлох баримтыг дурдаагүй байна.
РИА Новости бохир бөмбөгний тухай анх удаа бичиж байгаа юм биш бөгөөд өмнө нь Украиныг бохир бөмбөг бүтээхийг хүсэж байна гэсэн мэдэгдлийг удаа дараа гаргаж байсан. Энэ тухай, тухайлбал 2-р сарын 25-нд, Орос улс руу түрэмгийлсний маргааш, мөн 3-р сарын 6-нд бичжээ. ОХУ-ын Ерөнхийлөгч Владимир Путин тусгай ажиллагаа явуулах болсон шалтгаануудын нэг нь Украины цөмийн зэвсэгтэй болох хүсэл эрмэлзлийг дурдсан ч бохир бөмбөгийн талаар тусгайлан дурдаагүй байна.
Эх сурвалж: Радио свобода
