Оросын арми стратегийн зэвсгээр цөмийн цохилт өгөх сургуулилт хийжээ. Баллистик пуужингуудыг Камчатка дахь полигонд хөөргөсөн бөгөөд үүнээс гадна тэдгээрийг стратегийн бөмбөгдөгч онгоцнууд хөөргөсөн байна. Энэ тухай Кремлийн сайт мэдээлжээ.
Жил бүр болдог “Гром” сургуулилтыг ОХУ-ын Ерөнхийлөгч Владимир Путин удирдсан гэж Батлан хамгаалахын сайд Сергей Шойгу мэдэгдсэн байна. Кремлийн сайтад мэдээлснээр, цэргийнхэн Плесецкийн сансрын буудлаас "Ярс" баллистик пуужинг, Баренцын тэнгисээс "Тула" цөмийн шумбагч онгоцноос Камчаткийн Кура туршилтын талбай дээр "Синева" пуужинг хөөргөсөн байна. Пуужингууд байгаа оносон гэж мэдээлсэн байна. Стратегийн саатуулах хүчний (хэт авианы болон цөмийн зэвсгийг оролцуулан) баллистик пуужин харвах сүүлчийн сургуулилт Украинд бүрэн хэмжээний довтолгоо хийхээс өмнө 2-р сарын 19-нд болж байсан байна.
Уг пуужингуудыг хөөргөх ажиллагаа нь Украины дайны нөхцөл байдалд тактикийн цөмийн зэвсгийг ашиглах боломжийн талаарх ярианы хажуугаар болж байна. Барууны орнууд Москваг цөмийн зэвсэг хэрэглэнэ гэж сүрдүүлсэн гэж буруутгаж байгаа бөгөөд Оросын албаныхан үүнийг үгүйсгэж байна.
Эх сурвалж: Радио свобода
