“Дэлхийн аялал ба Аялал жуулчлалын зөвлөл” ашгийн бус байгууллага өнгөрөгч онд аялагч жуулчдыг хамгийн их татсан хотуудын жагсаалтыг гаргажээ. Амтлаг хоол, гайхамшигтай урлаг, сонгодог загварын хот Парис уг жагсаалтыг тэргүүлсэн байна.
Францын нийслэл Парис хотод өнгөрөгч 2022 онд аялагч жуулчид хамгийн их мөнгө зарцуулжээ. Уг жагсаалтыг гаргахдаа музейн тасалбар, зочид буудлын захиалгуудаас гадна орон нутаг, төрийн байгууллага, бизнес эрхлэгчдэд жуулчид хэрхэн хөрөнгө оруулсныг судалж үзсэн байна.
Парис хотын тухайд 2024 онд зуны Олимпын наадмыг зохион байгуулахаар бэлтгэж байгаа бөгөөд өнгөрөгч онд нийт 35,6 тэрбум ам.долларыг аялал жуулчлалын салбараас бүрдүүлжээ.
Хүчирхэг аялал жуулчлалтай хотуудын эхний аравт тус бүр гурван хот нь багтсан хоёр улс байгаа юм. АНУ-ын Орландо, Нью-Йорк, Лас Вегас хотууд багтсан бол Хятадын Бээжин, Шанхай, Гуанжоу хотууд жагсаалтын эхний арван байрт багтжээ.
Аялагчдын 2022 онд хамгийн их зорьсон 10 хот:
1. Францын нийслэл Парис
2. БНХАУ-ын нийслэл Бээжин
3. АНУ-ын Орландо
4. БНХАУ-ын Шанхай
5. АНУ-ын Лас Вегас
6. АНУ-ын Нью-Йорк
7. Японы нийслэл Токио
8. Мексикийн нийслэл Мехико
9. Их Британийн нийслэл Лондон
10. БНХАУ-ын Гуанжоу
Францын нийслэл Парис
БНХАУ-ын нийслэл Бээжин
АНУ-ын Орландо
БНХАУ-ын Шанхай
АНУ-ын Лас Вегас
АНУ-ын Нью-Йорк
Японы нийслэл Токио
Мексикийн нийслэл Мехико
Их Британийн нийслэл Лондон
БНХАУ-ын Гуанжоу
Эх сурвалж: CNN
