Нүүрсний хулгайд холбогдон яллагдагчаар татагдсан УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг түдгэлзүүлэх УЕП-ын саналыг Халдашгүй байдлын дэд хорооны хурлаар хэлэлцэн дэмжсэн. Үүний дараа УИХ дахь МАН-ын бүлэг ээлжит бусаар хуралдаж дууслаа.
Хуралд бүлгийн 61 гишүүнээс 46 гишүүн оролцож дийлэнх олонх нь яллагдагдагчаар татагдсан гишүүдийн бүрэн эрхийг түдгэлзүүлэх нь зүйтэй гэж үзсэн байна.
Мөн тус хуралдаанд МАН-ын дарга, Монгол улсын ерөнхий сайд Л.Оюун-Эрдэнэ оролцож намын даргын хувьд тодорхой чиглэл өгсөн гэдгийг бүлгийн дарга Д.Тогтохсүрэн хэллээ.
Тодруулбал, гишүүдийн бүрэн эрхийг түдгэлзүүлэх эсэх нь УИХ-ын бүрэн эрхийн асуудал хэдий ч яллагдагчаар татагдсан гишүүдийн бүрэн эрхийг түдгэлзүүлэх ёстой гэсэн чиглэлийг өгсөн байна.
МАН-ын бүлэг гишүүдийн бүрэн эрхийг түдгэлзүүлэхийг дэмжлээ
