Нээлтийн арга хэмжээнд Ардчилсан намын дарга Л.Гантөмөр, УИХ-ын дэд дарга С.Одонтуяа, УИХ-ын гишүүн Б.Бейсен нар оролцож Баян-Өлгий аймгийн ардчилагчиддаа баяр хүргэж амжилт хүслээ.
Ардчилсан намын дарга Лувсаннямын Гантөмөр: Энэхүү ардчиллын ордонг бүтээн байгуулсан Баян-Өлгий аймгийн үе үеийн удирдлагууд та бүхэнд халуун баяр хүргэе. Ардчиллын цэнхэр өргөөнөө эрх чөлөө, эрх чөлөөний цэнхэр туг үргэлж мандан бадарч байхыг ерөөе!
УИХ-ын дэд дарга С.Одонтуяа: Баян-Өлгий аймгийн ардчиллын шинэ өргөө цаашид олон олон аймагт ардчиллын цэнхэр өргөө сүндэрлэх эхлэл байх болтугай!
УИХ-ын гишүүн, Баян-Өлгий аймгийн АН-ын дарга Б.Бейсен: Өнөөдөр Баян-Өлгий аймгийн ардчилсан нам, ардчилагчдын хувьд түүхэн чухал өдөр тохиож байна. Энэхүү барилгыг сүндэрлүүлэхэд оролцсон хүн бүхэнд талархал илэрхийлье.
