Малайз улсын нийслэл Куала Лумпур хотод байрлах Азийн Хөлбөмбөгийн Холбооны төв байранд U20 болон U17 насны Азийн Цомын төлөөх тэмцээний сугалааны үйл ажиллагаа зохион байгуулагдлаа.
Ази тивийн улсууд нас насны ангиллынхаа тэмцээнд нийт 10 хэсэгт хуваагдаж хэсгээс цааш шалгарах боломжийн төлөө өрсөлдөх ба 2025 онд шигшээ тэмцээнд шилдэг 16 багийн хооронд зохион байгуулагдана.
Монгол Улсын U20 насны шигшээ баг хоёр дахь хоргоноос сугалагдаж Исламын Бүгд Найрамдах Иран, Бүгд Найрамдах Ардчилсан Лаос болон Бүгд Найрамдах Энэтхэг улстай тус тус нэг хэсэгт орлоо.
Харин Монгол Улсын U17 насны шигшээ баг Япон, Катар болон Бүгд Найрамдах Балба улсуудтай тус тус сугалагдаж нэг хэсэгт хуваарилагдлаа.
