Гал унтраах техникийн олон төрөлт спортын улсын аварга шалгаруулах тэмцээн Дархан-Уул аймагт хоёр дахь өдрөө үргэлжилж байна.
Өнөөдөр довтолгооны шат, 4х100 метрийн буухиа төрлүүдээр алба хаагчид авхаалж самбаа, ур чадвараа сорин өрсөлдөх юм.
Алба хаагчдын мэргэжлийн ур чадвар, авхаалж самбааг нэмэгдүүлэх, бие бялдрын тэсвэр хатуужил олгох, албаны бэлтгэл, бэлэн байдлыг хангуулах зорилгоор тус тэмцээнийг зохион байгуулдаг бөгөөд энэ жилийн тэмцээн 63 дахь жилдээ зохион байгуулагдаж байна.
