Германд болж буй Европын хөл бөмбөгийн аварга шалгаруулах тэмцээн/Евро 2024/ үргэлжлэн явагдаж байгаа билээ. Тус тэмцээний хагас шигшээд өрсөлдөх багууд тодорч дууслаа.
Өчигдөр болсон тоглолтод Английн шигшээ баг Швейцарыг торгуулийн цохилтоор/5:3/ ялж, Нидерландын баг Туркийн шигшээг 2:1-ээр хожлоо. Ийнхүү Нидерландын шигшээ Английн шигшээтэй долоодугаар сарын 10-нд Дортмунд хотноо тоглоно. Харин өмнөх өдөр нь Испанийн шигшээ Францтай тоглох хуваарьтай байна. Харин финалын тоглолт долоодугаар сарын 14-нд Берлин хотод болно.
