Өсвөрийн шатарчдын зүүн азийн аварга шалгаруулах шатрын 8 дахь тэмцээн 2024.07.13-2024.07.20 хооронд Малайз улсын Пинанг хотод болж байна.
Манай тамирчид долдугаар сарын 13-ны өдөр түргэвчилсэн буюу рапид төрөлдөө бүгд амжилттай оролцож олон улсын тэмцээний гараагаа сайхан эхлүүллээ.
Түргэвчилсэн төрөлд Г.Энхбаяр багшийн шавь Ч.Оюунсүндэр, Ц.Гэрэлт-Оюу, Х.Хажидмаа нар мөнгөн медаль хүртлээ.
Стандарт буюу үндсэн төрөл өчигдөр эхэлсэн бөгөөд өнөөдөр 2 өрөг тоглох хуваарьтай байгаа. Тамирчид маань нийт 9 өрөг тоглож аваргаа шалгаруулах юм.
