Парис хотоос мэдээллэж байна.
I.
Хүүхэд насны мөрөөдлөө Рафаэль Надалаар төсөөлсөн Карлос Алкарас шүтээнтэйгээ хамт “Парис 2024” олимпын наадмын талбайн теннисний эрэгтэй хосын төрөлд өрсөлдөнө.
II.
Нэрт дуучин Селин Дион “Парис 2024” наадмын нээлтийн ёслолд ая дуугаа өргөхөөр болжээ. Биеийн эрүүл мэндийн шалтгаанаас болж уран бүтээлээсээ багагүй хугацаанд хөндийрөөд байсан 56 настай Канад дуучин ийнхүү сая сая хөгжөөн дэмжигчидтэйгээ Сена мөрөнд уулзах нь.
III.
Олимпын хос алтан медальт Энди Муррей 2024 оны Парисын олимпын дараа теннисний спортоо орхино гэдгээ мэдэгдлээ.
2012, 2016 оны зуны олимпын наадмын талбайн теннисний эрэгтэйчүүдийн ганцаарчилсан төрөлд дараалан түрүүлсэн Их Британы тамирчин Энди Муррей 5 дахь олимпын наадамдаа оролцох гэж байна.
Цагтаа Дэлхийн чансааг тэргүүлж явсан 37 настай тэрээр “Парис 2024” олимпын наадамд улсаа төлөөлөн оролцоод эх спортоосоо албан ёсоор зодог тайлж цохиураа ханандаа өлгөнө гэдгээ зарлалаа.
