АНУ-ын гимнастикийн шигшээ багийн тамирчин Симона Байлз 3 хоногийн дотор “Парис 2024” наадмаас 2 дахь алтан медалиа хүртэж 2016 оны олимпоос хойш өөрийн замналын 6 дахь алтан медалиа өлгийдөн авлаа. Спортын гимнастикийн төрөлдөө ахмаддаа орох Байлз одоо 27 настай бөгөөд энэ насандаа багийн болон хувийн төрлөөр алтан медаль хүртсэн 1952 оноос хойш анхны тамирчин боллоо. Финланд улсад зохиогдсон 1952 оны зуны олимпын наадамд Зөвлөлт холбоот улсын нэрт тамирчин Нина Бочарова 28 настайдаа дээрх амжилтын анхдагч эзэн болж байлаа.
