Цахим спортын “Counter Strike 2” тоглоомын дэлхийн цуврал тэмцээний нэг болох “Intel Extreme Masters Cologne 2024” Герман улсад үргэлжилж байгаа билээ.
Нийт 24 баг нэг сая ам.долларын төлөө өрсөлдөж буй тус тэмцээнд манай улсаас “The MongolZ” баг оролцож байгаа юм.
Манай улсын баг өнгөрсөн Ням гарагийн шөнө Play-off-д оролцох эрхийн төлөө Португалийн “SAW”-ийн эсрэг тоглож, 1:2 онооны харьцаатай хожигдсоноор тус тэмцээнийг А хэсгийн доод шатнаас үргэлжлүүлэхээр болсон.
Тэгвэл өнгөрсөн шөнө А хэсгийн доод шатны эхний тоглолтоо Бразилын “paiN Gaming” багийн эсрэг хийж, 1:2 онооны харьцаатай ялагдал хүлээлээ.
Ийнхүү тэд 9-12 дугаар байрт орж 16 мянган ам.долларыг хожсон юм.
