Зөвд бал мэтБурууд хатгуур мэт

2024 оны 8-р сарын 28-ны өдрийн 12 ордын зурхайг танилцуулж байна.

Хонь: Эмх цэгцтэй, зохион байгуулалттай байхыг нөхцөл байдал шаардах болно. Томилолтоор явах, гадаадад аялах зэрэг нь таны амьдралд эерэг нөлөө үзүүлнэ. Сайн танихгүй хүнээс зөвлөгөө авах хэрэггүй. Болгоомжтой байхад илүүдэхгүй. Гэрээ хэлэлцээр хийх гэж байгаа бол өөрийн төлөвлөгөөг сайтар бэлдээрэй. Хийх гэж байгаа зүйлийнхээ талаар сайн мэдэж байх хэрэгтэй. 

Үхэр: Хийсэн ажлынхаа алдаа оноог дүгнэн цэгнэж, ирээдүйн үйл хэрэгтээ авах гээхийн ухаанаар хандахыг хичээ. Танд туслах гэж ирсэн хүнийг хэт их зан гаргаж үл тоох хэрэггүй. Хамтрагч болон түнштэйгээ хийсэн гэрээ хэлэлцээр, амлалтаасаа хазайх явдал гарч магадгүй. Зарим нэг үл ойлголцол нь ажил хэрэгт ихээхэн муугаар нөлөөлж болзошгүй тул ухаалгаар хандахыг зөвлөж байна. 

Ихэр: Сэтгэл санааны байдал тийм ч сайн биш хэдий ч өөрт оногдсон ажлаа чанартай гүйцэтгэх боломжтой. Таны өмнөөс хэн нэгэн шийдвэр гаргаж, будилаантай нөхцөл байдал үүсгэж магадгүй. Энэ үед тайван, хүлээцтэй хандахгүй бол нөхцөл байдал хурцадмал байдалд оруулж болзошгүй. Амьдралын эрч хүч суларч байгаа тул өөртөө анхаар. 

Мэлхий: Зорилготой, шийдэмгий шийдвэр биеллээ олох боловч таны хүсэж бодож байсан хэмжээнд үр дүнг авчрахгүй. Өмнө хийж эхлүүлсэн төсөл хөтөлбөрөө өргөжүүлэхийн тулд идэвх зүтгэл ихээр нэмэгдэнэ. Харин зарим муу санаатай хүмүүс гарз хохирол учруулж мэднэ. Ахмад хүмүүсийн үгийг үл хайхран өнгөрүүлж болохгүйг анхаар. 

Арслан: Өндөр албан тушаалын хүмүүстэй харилцах харьцаандаа болгоомжтой ханд. Аливаа зүйлийн арга эвийг нь олж чадвал цаашдаа ашигтай харилцааг үүсгэх боломжтой болно. Ажил дээрээ хувийн зохион байгуулалтаа сайжруулж нягт нямба, эмх цэгцтэй бай. Эргэн тойрны хүмүүс таны зарчимч байдлыг үнэлнэ. Бодож санасан ажил үйлс удахгүй бүтнэ. 

Охин: Уулзалт, хурал цуглаан гээд олон хүмүүстэй харилцах ажил ундарна. Гэрээ хэлэлцээр амжилттай болж ашиг орлого авчирна. Нийгмийн өмнө хүлээсэн үүрэг хариуцлагаа ухамсарлах цаг ирнэ. Өмнөө тавьсан зорилгодоо хэт шаргуу байх хэрэггүй. Шинэ хүнтэй танилцаж, найз нөхдийн хүрээлэл нэмэгдэнэ. Ганц бие хүмүүс хосоо олж магадгүй. 

Жинлүүр: Худалдаа наймааны ажилд анхаарлаа төвлөрүүл. Өнөөдөр үнэтэй үнэт эдлэл, хөрөнгө худалдан авах хэрэггүй. Ямар ч тохиолдолд аз туршсан үйлдэл хийхгүй байсан нь дээр. Од эрхсийн таагүй байрлал нь таныг мөнгө санхүүгийн хувьд алдагдалд оруулж, биеийн эрүүл мэндийн хувьд тааруу байхыг сэрэмжлүүлж байна. Өөрт байгаа боломж бололцоонд шүүмжлэлтэй хандаарай. 

Хилэнц: Аливаа зүйлд сэтгэлийн хөөрлөөр хандахгүй байхыг зөвлөж байна. Эртнээс бодож төлөвлөсөн зүйл танд ихээхэн боломж, амжилтыг авчирна. Мөнгө санхүүгийн байдлаа сайжруулж, нийгэмд эзлэх байр сууриа дээшлүүлж чадна. Ажил хэргээ сайтар төлөвлөж, өөрийн хүчээ зөв хуваарилж чадвал аливаа таагүй нөхцөл байдлаас зайлсхийх боломжтой. 

Нум: Үйлдвэрлэл эрхэлдэг хүмүүст их хэмжээний захиалга орж ирнэ. Та хийж бүтээснээрээ тодорхой хэмжээний хүрээлэл үүсгэнэ. Энэ хирээр ашиг орлого тань нэмэгдэж амьдралд сайн өөрчлөлтийг авчирна. Залуус хэт итгэмтгий гэнэн зангаасаа болж хууртагдаж, бүтэхгүй зүйлд орооцолдож болзошгүй. Гэр бүлийн анхаарлаас холуур байх нь эргээд муу уршиг дагуулна гэдгийг ойлгоорой. 

Матар: Аливааг тоохгүй байлаа гээд танд тулгарсан асуудлууд алга болохгүй. Асуудлыг хойшлуулж цаг алдалгүй арга эвээр учрыг нь олох хэрэгтэй. Сайн санасан нэгний тусламж дэмжлэгээс татгалзах хэрэггүй бөгөөд хэт их нуршсан ярианаас зайлсхий. Бусдын зөвлөгөөнөөс өөрт хэрэгтэйг авч, хэрэггүйг хажуугаараа өнгөрүүлээрэй. 

Хумх: Таны найрсаг зан ааш хамт олны хичээл зүтгэлийг улам нэмэгдүүлнэ. Гэхдээ зугаа цэнгэл, хөгжөөн наргианыг албан ажилтай хутгаж холих хэрэггүй. Замбараагүй байдал үүсэхээс урьдчилан сэргийлэх хэрэгтэй. Бүдүүлэг зан байдлаас болж та өөрийгөө бусдын өмнө эвгүй байдалд оруулж, нэр хүндээ сэвтээж болзошгүй тул үйл хөдлөлдөө хянамгай хандаарай. 

Загас: Сэтгэл санааны тэнцвэртэй байдал ажиглагдана. Ямар ч ажил таны бодсоноос их цаг хугацаа эрч хүч шаардах бөгөөд дууссан ч үр дүн нь хангалтгүй байж мэднэ. Мэргэжлийн үйл ажиллагааны хүрээнд ямар ч нөхцөл байдалд ур чадвараа харуулна.