Детройтын муу залуусын лидер асан Чонси Биллапс өдгөө Портланд Трэйл Блейзерс багийн ахлах дасгалжуулагчаар ажиллаж буй. Тоглогч ахуй цагтаа цалгиж байсан түүний алдар гавъяаг мөнхжүүлж, Нэй Смитийн нэрэмжит Алдрын танхимд энэ жил элсүүлэхээр болжээ.
Чонси Биллапс нь 1997 оны драфтын нэгдүгээр тойргийн 3 дахь сонголтоор Бостон Селтикс багт драфтлагдаж байсан. 2002-2008 оны улиралд Детройт Пистонс багт оргил үеэ өнгөрөөж байв.
Тэрээр NBA-гийн 8 багт хүчин зүтгэж, 9 удаа багаа сольсон. Учир нь 2013-2014 онд сүүлийн улирлаа тэрээр Детройт Пистонс багтаа эргэн ирж зодог тайлсан түүхтэй. Детройт Пистонс багт харъяалагдаж байх даа тэрээр Детройтын муу залуус гэж нэрлэгддэг хатуу ширүүн хамгаалалттай багийн лидер байсан бөгөөд 2004 онд лигийн хамгийн шилдэг бүрэлдэхүүнтэй Лос Анжелес Лэйкерс багийг ялж NBA-гийн аварга болж байв. Эсрэг багт нь NBA-гийн амьд домгууд болох Шакил Онил, Кобе Брайнт, Карл Малөүн, Гэри Пэйтон нар байсан юм.
Түүний амжилтуудыг дурдвал: 2004 оны ҮСБX-ны аварга, 2004 оны финалын үнэ цэнтэй тоглогч, 2006 онд бүx NBA-ын xоёрдугаар багт нэрлэгдэж, таван удаагийн бүx оддын тоглолтод сонгогдож байжээ.
