Модон барилдааны спортын холбооны баг тамирчид Дэлхийн нүүдэлчдийн V их наадмаас 1 мөнгө, 1 хүрэл медаль, дөрвөн тамирчин шагналт тавдугаар байранд орсон амжилттайгаар тус наадмыг өндөрлүүллээ. Казахстан улсын Астана хотноо 2024 оны есдүгээр сарын 7-14 -ны хооронд зохион байгуулагдсан ‘’Дэлхийн нүүдэлчдийн’’ V их наадамд Монголын модон барилдааны спортын холбооны удирдах зөвлөлийн гишүүн С.Бэхтулгаар ахлуулсан модон барилдааны спортын холбооны баг тамирчид долоон жингийн ангилалд долоон тамирчин, 1 шүүгч, 2 албаны хүний бүрэлдэхүүнтэй мордож аяны богц дүүрэн ирлээ. Уг наадмын модон барилдааны спортын төрөлд дэлхийн 41 улсын 200 орчим тамирчин 8 жингийн ангилалд чууллаа. Тус наадмын -65 кг-д Монгол Улсын хошой аварга, ази тивийн аварга, дэлхийн аварга шалгаруулах тэмцээний хүрэл медальт, Хillinhot cup тэмцээний аварга Өвөрхангай аймгийн харьяат Зэвсэгт хүчний Агаарын цэргийн командлал ЗХ-ний 325 дугаар ангийн 113 дугаар тусгай салбарын тамирчин Цэрэнцогзолын Пүрэвсүрэн модон барилдааны спортын түүхэн дэх анхны дэлхийн нүүдэлчдийн наадмын хүрэл медалийг эх орондоо авчирсан бол -90 кг-д Монголын модон барилдааны спортын холбооны тамирчин Монгол Улсын аварга шалгаруулах тэмцээний алт, мөнгөн медальт, Ази тивийн дэд аварга, Европ тивийн аварга шалгаруулах тэмцээний хүрэл медальт, дэлхийн дэд аварга, Хillinhot cup тэмцээний аварга Хэнтий аймгийн харьяат Хэнтий аймгийн Биеийн тамир спортын газрын дасгалжуулагч, Зүрхэн тэдич ХХК-ийн тамирчин Цэцгээгийн Өнөрбат Дэлхийн нүүдэлчдийн наадмын дэд аваргын болзол хангаж мөнгөн медаль хүртэж түүхэн амжилтын эзэд боллоо.
-70кг-д Монгол Улсын аварга шалгаруулах тэмцээний дэд аварга Сэлэнгэ аймгийн харьяат Шүүхийн шийдвэр гүйцэтгэх ерөнхий газрын харьяа 433 дугаар ангийн хаалттай хорих ангийн тамирчин Батхүүгийн Нацагдорж -105 кг-д Монгол Улсын аварга шалгаруулах тэмцээний хүрэл медальт, Ази тивийн аварга шалгаруулах тэмцээний хүрэл медальт Баянхонгор аймгийн харьяат Космо трейд ХХК-ийн тамирчин Сэргэлэнбаатарын Тодбаяр -55 кг-д Монгол Улсын аварга шалгаруулах тэмцээний хошой аварга, Колмар цомын аварга шалгаруулах тэмцээний хүрэл медальт, дэлхийн аварга шалгаруулах тэмцээний хүрэл медальт Говь-Алтай аймгийн харьяат Зидаабазарын Сарантуяа -75 кг-д Монгол Улсын аварга шалгаруулах тэмцээний хүрэл медальт, Ази тивийн аварга шалгаруулах тэмцээний хүрэл медальт Сэлэнгэ аймгийн харьяат Дамдинсүрэнгийн Баасансүрэн нар хүрэл медалийн төлөө өрсөлдөж харамсалтайгаар ялагдал хүлээж 5 дугаар байранд шалгарч уг наадмыг амжилттай өндөрлүүллээ.
