Энэ сарын 21,22 нд БНХАУ-ын Шанхай хотноо Азийн гимнастикийн холбооны ээлжит конгресс боллоо. Азийн 40 орны гишүүд, холбоодын удирдлагууд оролцсон чуулганд 2023,2024 оны ажлаа дүгнэж шилдэг холбоодоо нэрлэв. Монголын гимнастикийн холбоо нь энэ онуудад хамгийн олон тэмцээн, арга хэмжээ, олон улсын хамтарсан бэлтгэлийг өндөр түвшинд, ур чадвартай, амжилттай зохион байгуулсан хэмээн шар тивийн орнуудыг тэргүүлж Азийн гимнастикийн холбооны “Идэвх, санаачилгатай спорт холбоо”-оор шалгарав. Уг шагналыг Монголын гимнастикийн холбооны ерөнхий нарийн бичгийн дарга Г.Ерөөлбат гардан авав.
